О́ńirdiń damýyna oń baǵa berildi

Qazaqstan Prezıdenti aldymen Aqtóbedegi Energııa tıimdili­gi ortalyǵynyń jumysymen tanys­ty. Bul ortalyqtyń negizgi mindeti – balamaly energetıka teh­nologııasyn kórsetý jáne tur­ǵyn úılerdi ystyq sýmen, jylýmen jáne elektr qýatymen qamtamasyz etý úshin ony paıdalana bilýge úıretý.

Ortalyqtyń ǵımaraty kún panelderimen, gaz porshendi stansamen, geotermaldi júıe­men, sondaı-aq jel generatorlarymen jab­dyqtalǵan. Munda Qala tir­shiligin qamtamasyz etý jáne turǵyn úı-kommýnaldyq sharýa­shylyq ınjenerlik jeli­lerine monıtorıng júrgizý or­talyǵy, Halyq­qa qyzmet kórsetý orta­lyǵy, Oblystyq ishki ister de­par­tamentiniń Jedel bas­qa­rý or­ta­lyǵy, Aqtóbe qala­sy­nyń «Al­maty» aýdany ákimi­niń ap­pa­raty or­nalasyp, jumys júrgizýde.

Nursultan Nazarbaev engi­zilgen jańalyqtarǵa oń baǵa berip, EKSPO-2017 halyq­ara­lyq kórmesinde tanys­ty­ryl­ǵan «jasyl» tehnologııalar­dy tájirıbede qoldanýdyń ma­ńyzdylyǵyn atap ótti.

Sonymen qatar Aqtóbe qa­la­synyń ákimi Qazaqstan Prezı­dentine oblys ortaly­ǵynyń damý barysy, sondaı-aq Aqtóbe aglomerasııasyn, «SmartCity Aqtóbe» júıesin jáne qalanyń qoǵamdyq keńis­tigin qurý jóninde berilgen tap­syr­malardyń oryndalýy týraly málimdedi.

Sońynda Elbasy Aqtóbe qala­synyń odan ári damýyna qatysty birqatar naqty tapsyrma berdi.

Budan soń Nursultan Nazarbaev daryndy balalarǵa arnalǵan «Ásem» bilim berý jáne tanym ortalyǵynyń jumysymen tanysty. Bul bilim mekemesiniń maqsaty – balalardyń zııatkerlik jáne tulǵalyq áleýetin damytý úshin qolaıly jaǵdaı jasaý.  

Ortalyqtyń tárbıelený­shileri Qazaqstan Prezıdentine oqý aýdıtorııalary men labora­to­rııa­lyq kabınetterdi kórsetti.   Nursultan Nazarbaev jas jet­kinshekterge «Bolashaq» stı­pendııasy, Nazarbaev Ýnı­ver­­sıteti, Nazarbaev zııatkerlik mek­tep­teri jáne olardyń jalpy el eko­no­mıkasyna tıgizip otyr­ǵan paı­dasy jóninde áńgimelep berdi.

– Oblys jastary munaı-gaz salasy boıynsha bilim alýǵa tyrysady. Búginde munaı baǵasy qalypty, biraq birneshe jyldan keıin onyń quny tómendep, munaı óndirý azaıýy múmkin. Sondyqtan bolashaqta suranysqa ıe bolatyn bilimdi tańdaý qajet, – dedi Memleket basshysy.

Qazaqstan Prezıdenti jurt­shylyq ókilderimen áńgimelesý barysynda Aqtóbe oblysynyń elimizdegi tez órkendep kele jat­qan óńirlerdiń biri ekenin atap ótip, 20 jyl ishinde Aqtóbe qala­synyń turǵyndary eki ese kóbeı­genin jáne qazirgi ýaqytta jarty mıllıonnan asqanyn aıtty.

– Aqtóbe baı tabıǵı resýrs­tarynyń, damyǵan óndirisi men ken óndirý salasynyń arqasynda Batys Qazaqstannyń ortalyǵy­na aınaldy, – dedi Nursultan Nazarbaev.

Oblystyń áleýmettik-ekono­mıkalyq damý qarqynyna oń baǵa bergen Memleket basshysy Qazaqstan halqyna arnalǵan jańa Joldaýdaǵy jáne óńirlik deńgeıde sheshilýge tıis birqatar máseleni atap ótti.

– 2019 jyldan bastap eń tómengi jalaqy 1,5 ese ósetin bolady. Bul 40 myń aqtóbeliktiń ál-aýqatyna oń yqpal etedi. Olardyń jartysy – bıýdjet salasynyń qyzmetkerleri.  Iri kásiporyndar osy bastamany qoldaıdy dep senemin, – dedi Qazaqstan Prezıdenti. Nursultan Nazarbaev kólik ınfraqurylymyn damytý jáne jergilikti mańyzy bar jol­dardyń sapasyn jaqsartý máse­lelerine arnaıy toqtaldy.

– Oblystyń geografııalyq jaǵ­­­daıyn eskere otyryp, Eýra­zııa eko­nomıkalyq odaǵy­na múshe eldermen saýda-sat­tyq jasaýdyń tranzıttik múmkin­dikterin keńeıtý qajet, – dedi Memleket basshysy.

Qazaqstan Prezıdenti sapar qorytyndysy boıynsha jýrnalıster aldynda sóılegen sózinde óńir basshylyǵynyń negizgi áleýmettik-ekonomıkalyq kórsetkishterge qol jetkizý jáne memlekettik baǵdarlamalardy júzege asyrý jónindegi jumys­taryna joǵary baǵa berdi.

– Oblys ekonomıkasy ósip, jol­­dar, mektepter salynyp, qala ınf­ra­qurylymy damýda. Aqtó­be­likterdiń ál-aýqaty jaq­sa­ryp keledi. Jergilikti atqa­rý­shy organdar halyqtyń tur­­mys sapasyn arttyrýǵa jáne «Bes áleý­mettik bastama» men «Qazaq­­stan­dyqtardyń ál-aýqa­ty­­nyń ósýi: tabys pen tur­mys sapa­syn arttyrý» atty Jol­daý­dy odan ári iske asyrýǵa kúsh ju­myl­dyrýy kerek, – dedi Nursultan Nazarbaev.

Temir QUSAIYN,

«Egemen Qazaqstan»

Aqtóbe oblysy