Mereıtoı aýdan ortalyǵy Quryq aýylynda atalyp ótti.
Mereıtoı aıasynda Quryq aýylynda eki jańa nysan iske qosyldy. Biri − eki aýysymda júzdeı balany jattyqtyrýǵa arnalǵan zamanaýı úlgide jasaqtalǵan jańa sportzal bolsa, ekinshisi - geolog-barlaýshylar murajaıy. Murajaıǵa alǵashqy munaı-gaz sharýashylyǵynda qoldanylǵan buıymdar, sol kezdiń tarıhynan syr shertetin ekspozısııalar, qujattar jáne eski sýretter qoıylǵan.
− Bul murajaı kópten kútilgen edi. О́ıtkeni munaı-gaz barlaý isi osy Qaraqııa túbeginen bastaý alǵan jáne bul ardager barlaýshy, geologtar kóp shyqqan óńir.Osy másele búgin sheshimin tapqany úshin, Qaraqııa aýdanynyń qurmetti azamaty Tursynǵalı Kóshenulyna jáne aýdan basshylyǵyna, Mańǵystaý munaı-gaz basqarmasyna alǵys bildiremiz. Murajaı bolashaqta zor deńgeıge jetedi dep kútilýde. Mańǵystaý oblystyq murajaıdaǵy geolog-barlaýshylarǵa qatysty qujattardan da kemtigi túgendelip, osy el azamattarynyń armany oryndalatynyna biz senimdimiz, dedi Mańǵystaý oblystyq Mádenıet basqarmasynyń basshysy P.Sarmýrzına
Saltanatty sharada eńbegi sińgen azamattar «Qaraqııa aýdanyna 45 jyl» merekelik tósbelgisimen marapattalyp, gala konsertke ulasty.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy