Aqtaýda Yessenov University qabyrǵasynda "I Halyqaralyq Esenov oqýlary" ótýde. Oqý aıasynda tusaýy kesilgen Esenov ýnıversıteti bas korpýsynyń aldynda ornatylǵan 2 Stansııa atalmysh oqý ordasynyń ǵalymdarynyń eńbegimen jasaqtalǵan. Olardyń tolyq zarıadtaý sıkli nebári 3 saǵatty quraıdy. Elektromobılder ýnıversıtettiń ishki paıdalanýy úshin alynǵan.
Oqý ordasyndaǵy is-sharaǵa 2007 j. Nobel syılyǵynyń laýreaty Radjendra Kýmar Pachaýrı, Pýtra ýnıversıtetiniń (Malaızııa) kommýnıkasııalyq tehnologııalar jáne jeli kafedrasynyń, kompıýterlik ǵylymdar jáne aqparattyq tehnologııalar fakýltetiniń professory Mohamed Bın Otman qurmetti qonaq bolyp qatysty.
Esenov oqýlary "Rýhanı jańǵyrý" baǵdarlamasynyń mindetterin júzege asyrý aıasynda ótkiziledi. Stýdentter men jas ǵalymdar úshin "Sıfrlyq Qazaqstan: Aqparattyq júıeler jáne energetıka", "Kaspıı konvensııasy: aımaqtyń saıası-quqyqtyq damý úrdisteri" jáne t.b. taqyryptar boıynsha ǵylymı-tájirıbelik konferensııasy, sonymen qatar ýnıversıtet stýdentteri úshin "Yessenov University úzdik startap jobasy" baıqaýy ótedi.
Shara barysynda Yessenov University rektory Berik Ahmetov aımaq basshysyna jáne qonaqtarǵa aýdarylmaly synyp tehnologııasyn tanystyrdy. Bul oqý ornynyń stýdentteri dáristerge kelmeı, barlyq sabaqtardy Internettegi arnaıy arnadan kóre alady. Dáristiń ornyna olar semınarlarǵa qatysyp, úı tapsyrmalaryn tájirıbe júzinde oryndaı alady.
Sonymen qatar, qonaqtar sıtýasııalyq ortalyqty aralap kórdi. Oǵan stýdentterdiń sabaqqa qatysýy týraly, olardyń úlgerimi týraly barlyq aqparat shyǵarylady ári oqý ornynyń barlyq ǵımaraty boıynsha ornatylǵan 400 kameranyń kómegimen ýnıversıtettiń qaýipsizdigi boıynsha jaǵdaı baqylanady.
"I Halyqaralyq Esenov oqýlarynyń" ekinshi kúni munaıshy-geolog Halel О́zbekǵalıevtiń 90 jyldyǵyna arnalǵan kitaptyń tusaýkeseri jáne "Yessenov University úzdik jas ǵalymy "atty baıqaý ótedi.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy