Jaqynda Chexııanyń Ostrava qalasynda djıý-djıtsýdan ótken Álem chempıonaty ótken bolatyn. Eresekter arasyndaǵy jekpe-jek jarysyna jetisýlyq jas sportshy Aıbek Ahmetov te qatysqan edi. Ol álemniń myqty sportshylary jınalǵan chempıonatta kúmis júldege qol jetkizip, halyqaralyq dárejedegi sport sheberi ataǵyn ıelendi.
Aıbektiń jasy jıyrmada. Alakól aýdanynda týyp-ósken. Jekpe-jek ónerin bala kúninen serik etti. Djıý-djıtsýdan el ishindegi jarystardyń barlyǵynda top jaryp keledi. 8 dúrkin Qazaqstan chempıony boldy. Osy sport túrinen Azııa birinshiliginiń jeńimpazy. Endi álem chempıonatynyń kúmis júldesin oljalady.
- Aıbol talaı baıraqty básekelerde ózin jaqsy qyrynan kórsetip, jeńis tuǵyryna kóterilip júr. Bolashaǵy áli alda ǵoı. 20 jasynda álemniń myqty djıý-djıtsýshylarymen ıyq teńestirdi. О́zi namysty, ór rýhty jigit. Jattyǵýda erekshe tózimdi, qaısar qalpynan aınymaıdy. Nátıjesinde jeńis tuǵyryna kóterildi. Shákirtime senemin - deıdi álem chempıonatynyń kúmis júldegerininiń bapkeri jattyqtyrýshy Arnur Nurlanuly.
Qalmahanbet MUQAMETQALI,
«Egemen Qazaqstan»
Almaty oblysy