Depýtattar el ishinde

Parlament Senatynyń depýtattary Baqytjan Jumaǵulov, Dınar Nóketaeva jáne Tóleýbek Muqashev Almatyda Qazaq memlekettik qyzdar pedagogıkalyq ýnıversıtetiniń oqy­tý­­­shylary jáne stýdentterimen kezdesti. 

Senattyń Áleýmettik-mádenı damý jáne ǵylym komıtetiniń múshesi Ba­qytjan Jumaǵulov Joldaýda aı­tylǵan aýqymdy jumystardy ret-retimen túsindirdi. Sonymen qatar joǵary oqý oryndarynyń sapasyn arttyrý, ustaz mártebesin kóterý ja­ıynda da keńinen toqtalyp ótti. Al D.Nóketaeva ózi alty jyl basshylyq jasaǵan Qyzdar ýnıversıtetiniń mártebesi týraly baıandady. 

Jıyn barysynda stýdentter Jol­daý basymdyqtary jóninde saýaldar qoıyp, usynystaryn jetkizdi.

*  *  *

Májilis depýtattary Janat Ja­rasov, Ersultan Bekturǵanov jáne Taras Hıtýov Shyǵys Qazaqstan ob­ly­syndaǵy saılaýshylarmen kezdes­ti. Aýyl turǵyndarymen kezdesýde de­pýtattar Joldaýdaǵy zeınetaqy, jalaqy, densaýlyq saqtaý, bilim berý sa­la­laryndaǵy memlekettik qyzmet kórsetýdiń qoljetimdiligi másele­le­rine erekshe kóńil aýdardy. 

Odan ári «Úlbi metallýrgııalyq zaýytynyń» ujymymen kezdesip, turǵyn úı-kom­mý­naldyq sharýashy­lyq, mindetti áleý­mettik saqtandyrý júıesin engizý, bala­larǵa arnalǵan sport seksııala­ry sııaqty kóptegen máselelerdi talqylady. 

*  *  *

Parlament Senatynyń depýtaty Álimjan Qurtaev Elbasy Joldaýyn túsindirý maqsatynda Túrkistan oblysyndaǵy Maqtaaral aýdanynyń basshy­lyǵymen kezdesti. Senator ómir sapasyn jaqsartý, halyqqa qolaıly jaǵdaı jasaý jáne kásibı memlekettik apparatty qalyptastyrýǵa qatysty Joldaýda aıqyndalǵan mindetterdi egjeı-tegjeıli túsindirdi.    

Maqtaaral aýdandyq máslıhaty­nyń depýtaty, akademık Ibadýlla Úmbetálıev, aýdandyq máslıhattyń depýtaty Berik Shámshıev, aýdandyq máslıhat hatshysy Qadyr Sársekbaev aýdan ómirine qatysty ózekti másele­lerdi qozǵady.

*  *  *

Memleket basshysy Joldaýyn túsindirý maqsatymen Almatyǵa kel­gen Májilis depýtaty Zaǵıpa Balıe­va Open Almaty ujymymen kez­des­ti. Joldaýda ınnovasııalyq jáne ser­vıs­tik sektorlardy damytýǵa erekshe kóńil bólý, «bolashaq ekono­mı­ka­sy­­nyń» balamaly energetıka, jańa ma­­terıaldar, bıomedısına, úlken de­­rek­ter, zattar ınterneti, jasandy ın­tel­­lekt, blokcheın jáne basqa da baǵyt­­taryn ilgeriletýdi qamtamasyz etý qa­­jettigi aıtylǵan bolatyn. Z.Ba­lıe­va osy sharalardy iske asyrýda Open Almaty-nyń mańyzy zor ekenin atap ótti. 

Depýtat óziniń sózinde «halyqpen jumys isteýdiń jańa zamanaýı formattaryn engizýdi mindetine alǵan polısııanyń bul turǵyda Open Almaty-dan úlgi alýyna bolatynyn atap ótti.

*  *  *

Senat depýtaty Rysqalı Ábdikerov Elbasy Joldaýynyń negizgi ereje­le­rin túsindirý maqsatymen Qaraǵandy oblysyna jumys saparymen keldi. Sapar barysynda ol Shahtınsk qala­syndaǵy birqatar memlekettik mekeme­lerdiń, shaǵyn jáne orta bıznes nysan­darynyń tynys-tirshiligimen tanysty.

Senator qaladaǵy Á.Bókeıhanov atyndaǵy mektep-lıseıdegi kezdesý ba­ry­­synda Joldaýda Memleket bas­shy­­sy alǵa qoıǵan negizgi mindet­ter­di jan-jaq­ty túsindirdi. Elbasy­nyń tapsyrmasyn oryndaý aıasyn­da pe­da­gog­tardyń mártebesin, eńbek­aqy­­syn, bilim berý sapasyn arttyrý, son­daı-aq oqýshylarǵa jáne muǵalim­der­ge qa­jet­ti jaǵdaı ­jasalatyny, mektepke de­­ıingi bilim berý qamtýyn keńeıtý jóninde jumys­tar júrgi­ziletini atap ótildi.

*  *  *

Shyǵys Qazaqstan oblysynyń or­talyǵy – О́skemen qalasynda Par­la­ment Májilisiniń depýtaty Be­rik Dúısenbınov Memlekettik kiris de­partamentiniń oblystyq de­parta­mentiniń ujymymen, kásip­ker­lermen jáne  qoǵam ókilderimen kezdesti. 

Joldaýda aıtylǵan mindet­terdi «Aq jol» partııasy qoldaıtynyn jet­kizgen depýtat salyq salasyn­da­ǵy suraqtarǵa jaýap berip, partııa tarapynan atqarylyp jatqan jumystar týraly aıtty. 

*  *  *

Senat depýtattary Marat Taǵymov pen Muhtar Jumaǵazıev Aqtóbe obly­syna jumys sapary aıasynda Temir aýdanynda boldy. Elbasy Jol­daýyn nasıhattaýǵa aýdanǵa arnaıy kelgen aqparattyq top músheleri aldy­men qurylysy júrip jatqan «Aqtóbe – Atyraý» tas jolynyń Te­mir aýdanyndaǵy bóliginde bolyp, jumys barysymen tanysty. 

Olar aýdan ortalyǵyn­daǵy «Shu­barqudyq nan» naýbaıhana­sy men «Ar­daq» kóterme saýda orta­ly­ǵynda da boldy. Sondaı-aq aýdan əkim­digi, prokýratýra jəne ishki is­ter­ bóliminiń qyzmetkerlerimen, Baı­ǵa­nın aýdanynyń ortalyǵy – Qa­ra­ýyl­keldi aýyly halqymen júzdesip, Jol­daýdaǵy mindetterdi túsindirdi.

*  *  *

Májilis depýtattary Irına Ýnja­kova jáne Pavel Kazansev Qaraǵandy oblysynyń Osakarov aýdanyna bardy. Esil aýylyndaǵy jastarmen kezdesken depýtattar memleket tarapynan aýyl sharýashylyǵyn damytýǵa qalaı kóńil bólinip jatqanyn aıtyp, agroónerkásip kesheniniń keleshegine nazar aýdardy. Memleket basshysynyń Joldaýynda aıtylǵan basymdyqtarǵa jáne Elbasynyń zańnamalyq bas­tamalaryn qamtamasyz etý úshin Parlament Májilisiniń atqaryp jat­qan jumystary týraly baıandady. 

О́z kezeginde depýtattar kóterilgen problemalardyń barlyǵy  baqylaýǵa alynatynyn jetkizdi.

*  *  *

Memleket basshysy Joldaýyn halyqqa túsindirip, ondaǵy mindet­terdi tarazylaý maqsatyndaǵy respýb­lıkalyq aqparattyq nasıhattyq top qatarynda Parlament Senatynyń de­pýtattary Bekmyrza Elamanov pen Murat Baqtııaruly Qyzylorda obly­­synyń Syrdarııa aýdanynda jumys saparymen boldy.

Olar «Baq» jáne «Qyzyl­dı­han» sharýa qojalyǵynyń jumys­shylarymen kezdesti. Onda Joldaýdaǵy aýyl­sha­rýashylyq salasyna baılanysty aı­tylǵan tapsyrmalar jóninde oı bólisti.Sonymen qatar Parlament palatalarynda qabyldanyp jatqan zańdarǵa baılanysty týyndaǵan suraqtarǵa jaýap berdi. 

*  *  *

Prezıdent Joldaýyn el ishinde tereńirek uǵyndyryp, nasıhattaý maqsatynda Parlament Senatynyń depýtaty Dáýren Ádilbekov Aqmola oblysyndaǵy Vıktorovka aýylynyń turǵyndarymen kezdesý ótkizdi. 

Depýtat Joldaýdyń asa mańyzdy tustaryna, sonyń ishinde eńbekaqy kóleminiń ósýi, shaǵyn jáne orta bıznesti odan ári damytý máseleleri, mektep pen mektepke deıingi meke­melerdegi bilim berý sapasyn jaqsartý, balalardyń qaýipsizdigin qamtamasyz etý, densaýlyq saqtaý salasyn sıfr­landyrý tárizdi mindetterge toq­taldy. 

D.Ádilbekov, sondaı-aq Zeren­dide­gi jańa emhanada, Málik Ǵabdýllın atyn­daǵy qazaq mektebinde boldy. «Sto­lıarenko» jeke kásipkerliktiń dá­­ne­kerleý sehynda jylytý qazan­­­­­dyq­taryn daıyndap jatqan jumys­­­­shylarmen pikirlesti.

Aqparattar «Egemen Qazaqstannyń» óńirlerdegi tilshilerinen alyndy