Búgin Astanada Medısınalyq-sanıtarııalyq alǵashqy kómek jónindegi jahandyq konferensııa alańynda Premer-Mınıstr Baqytjan Saǵyntaev IýNISEF atqarýshy dırektory Genrıetta Formen kezdesý ótkizdi.
Kezdesý barysynda balalardyń quqyqtaryn qorǵaý salasyndaǵy yntymaqtastyq máseleleri, sonyń ishinde negiz bolatyn halyqaralyq kelisimderdi, ornyqty damý maqsattary jáne áıelder men qyzdardyń quqyqtaryn keńeıtý boıynsha genderlik teńdik kún tártibin iske asyrý, sondaı-aq QR Úkimeti men IýNISEF-tiń júıeli baǵdarlamalaryn oryndaý máseleleri talqylandy.
Baqytjan Saǵyntaev IýNISEF-ke balalardyń quqyqtaryn qorǵaý máselelerinde qoldaý kórsetkeni úshin alǵys bildirip, Qazaqstan Úkimetiniń halyqaralyq jáne óńirlik bastamalardy qalyptastyrýǵa óz úlesin qosýǵa ázir ekenin jetkizdi.
Budan ózge, ózara is-qımyldy jalǵastyrý keleshegine nazar aýdaryldy. Qazaqstan Prezıdenti N. Nazarbaev kelesi jyldy «Qazaqstan jastarynyń jyly» dep jarııalady. Osyǵan oraı, Úkimet aldynda turǵan mindetterdiń biri — halyqaralyq uıymdar, úkimettik emes sektor, zertteý jáne akademııalyq toptar, halyqtyń álsiz toptarynyń quqyqtaryna erekshe kóńil bóle otyryp balalar quqyqtaryn qorǵaý jónindegi quqyq qorǵaý uıymdary túrindegi seriktesterine qoldaý kórsetý.
(United Nations International Children’s Emergency Fund) Balalardyń halyqaralyq tótenshe balalar qory dep atalatyn qor 1946 jylǵy 11 jeltoqsanda Ekinshi dúnıejúzilik soǵys kezinde zardap shekken balalarǵa kómektesetin tótenshe uıym retinde Bas Assambleıanyń sheshimimen qurylǵan. Qor ýaqytsha qurylǵan edi, alaıda 1953 jyly BUU qyzmet aıasyn keńeıtip, ókilettik merzimin sheksiz ýaqytqa uzartty.
1992 jylǵy aqpanda BUU Balalar qory men Dúnıejúzilik densaýlyq saqtaý uıymy balalardyń jaǵdaıyn baǵalaý úshin táýelsiz Qazaqstanǵa alǵashqy mıssııasyn uıymdastyrdy. Bul mıssııa IýNISEF-tiń Qazaqstanda qyzmetin bastaýyna negiz boldy. 1994 jyly Qazaqstanda IýNISEF О́kildigi ashylǵannan keıin, QR Úkimeti men IýNISEF júıeli baǵdarlamalary boıynsha jumystar bastaldy.
1994 jylǵy aqpanda AQSh-qa resmı sapary aıasynda QR Prezıdenti N. Nazarbaev BUU Bas hatshysy B. Býtros-Galımen kezdesti, bul kezde 1994 jyly QR Úkimeti ratıfıkasııalaǵan alǵashqy halyqaralyq kelisim bolǵan Balalar quqyqtary týraly konvensııaǵa qol qoıyldy.
2016 jylǵy qazanda Qazaqstan Úkimeti men BUU Balalar qorynyń 2016–2020 jyldarǵa arnalǵan operasııalarynyń negizgi josparyna qol qoıyldy.
Bıyl Qor QR Úkimetimen ıývenaldy zańdy damytýǵa, balalarǵa meıirimdi ádil sot júıesin qalyptastyrýǵa, balalarǵa arnalǵan zańmen baılanysqan áleýmettik qyzmetter júıesin engizýge, balalardyń statýsyna qaramastan, olarǵa teń múmkindikterdi qamtamasyz etýge baǵyttalǵan baǵdarlamalar men jobalardy elimizde iske asyrý arqyly belsendi yntymaqtastyqty jalǵastyrdy. Sonymen qatar bul jobalar barlyq deńgeıde balalardyń ál-aýqatyna monıtorıng júıesin engizýge, jasóspirimderdiń psıhıkalyq densaýlyǵyn jaqsartý jáne óz-ózine qol jumsaýdyń aldyn alýǵa kómek kórsetý júıesin engizýge, Qazaqstandaǵy balalardyń jańa nemese nazardan tys qalǵan máselelerin anyqtaý úshin zertteýler jáne jaǵdaılyq taldaýdy júrgizýge, balalardy qosa alǵanda áleýmettik jaǵynan álsiz toptarmen áleýmettik jumysty keńeıtýge jáne tereńdetýge baǵyttalǵan.