Oblystyq aýyl sharýashylyǵy basqarmasynyń málimetinshe, óńirde «Jolqudyq elevatory», «ATO Sharbaqty elevatory», «Myńkól elevatory» JShS-tary, «Agro» fırmasy, «Pavlodarlyq Nıva» jáne «Ertis Agro» kásiporyndary bar. Bul kásiporyndar jalpy kólemi 264,3 myń tonna astyq qabyldaı alady.
Buǵan qosa óńirdegi kóptegen orta jáne iri sharýa qojalyqtarynyń jeke astyq qoımalary da bar. Astyqtyń ylǵaldylyǵy az bolsa, elevatorlarǵa tasymaldamaı-aq, jınalǵan ónimderin qoımalarda saqtaıtyn kórinedi. Kúzgi jıyn terin de aıaqtalyp keledi.
Basqarmasynyń málimetinshe, dándi daqyldardyń 722 myń gektary jınalǵan. Dıqandary gektarynan ortasha eseppen 12,3 sentnerden ónim alýda. Joǵarǵy kórsetkish Jelezın aýdanynda, astyq shyǵymdylyǵy gektarynan 13,1 sentnerdi qurady. Oblysta Ertis aýdanynda jalpy kólemi 182 myń gektardan astam astyqty alqap bar.
О́ńirde jalpy kólemi 1 mıllıon 519 myń gektar shabyndyqtan 1311 myń tonna shóp daıyndaldy. Kúzgi dala jumystaryn júrgizý úshin 21 myń tonna dızel otyny bólingen. Dızal otyny sharýalarǵa arzandatylǵan baǵamen satyldy. Oblys boıynsha egistik alqaptarynyń jalpy kólemi 1 mıllıon 50 myń gektardy quraıdy.
Farıda BYQAI,
«Egemen Qazaqstan»
PAVLODAR