Qytaı Halyq Respýblıkasynyń astanasynda halyqaralyq «Ostryı klınok - 2018» mergender saıysy aıaqtaldy. Qazaqstan atynan jarysqa túsken Ulttyq ulan «Búrkit» arnaıy jasaǵynyń jaýyngerleri tórt nomınasııasynyń nátıjesinde beıresmı esep boıynsha alǵa qytaılyq mergenderdi jiberip, ekinshi komandalyq orynǵa ıe boldy, dep habarlaıdy Ulttyq ulannyń baspasóz qyzmeti.
Álemniń 21 eelinen 100 mergen baq synaǵan jarysta qatysady. Ulttyq ulannyń «Búrkit» arnaıy jasaǵy dáldep atýdan kúsh synasyp, úzdik jetistikterge qol jetkizdi.
Aıtyp ótý kerek, qazaqstandyq mergender «Keshendi jaýyngerlik snaıpıng» nomınasııasy boıynsha ekinshi orynǵa ıe boldy. Jattyǵýlar taýly aımaqta ótti, onyń barysynda mergender 10-nan bastap 600 metrge deıingi ara qashyqtyqta, jeti núkteden tapansha men mergendik myltyqtan oq atty. 37 mergendik juptan tapsyrmany úzdik oryndaǵan qytaılyq áskerı qyzmetshiler boldy.
Toptyq snaıpıngte de qazaqstandyqtar jaqsy kórsetkishter kórsette bildi. Ulttyq ulannyń mergenderi dybysty tushalap atý, baqylaý jáne baǵyt tabý, tańdaýly nysanalardy tabý jáne taýdaǵy alys qashyqtyqta izdeý atysy jattyǵýlary boıynsha 3 jáne 5 oryndarǵa turaqtady.
Ulttyq ulannyń «Búrkit» arnaıy jasaǵyna tutqyndardy bosatý tapsyrmasy boıynsha jattyǵýda teń keler qarsylas bolmady. Qazaqstandyq komanda barlyq tórt jyljymaly «lańkes-tutqyn» nysandaryn dál tıgizip, barlyq qatysýshylar arasynda úzdik nátıjesin kórsetti. Budan bólek, arnaıy jasaq jaýyngerleri eki oqpen eki nysandy tıgizip, «Ostryı klınok» arnaıy júldesin de jeńip aldy.
Aıtyp ótý kerek, jarysty Qytaıdyń Halyqtyq qarýlanǵan polısııasy uıymdastyrdy. Onyń maqsaty ár eldiń antıterrorlyq kúshterine bir-birinen úırenýge arnalǵan tájirıbe jınaqtaý jáne qarym-qatynas platformasyn qurý, habarlasý arqyly dengeıdi kóterý jáne dostyqty kúsheıtý bolyp tabylady.
Budan bólek, jarys lańkestikpen kúres salasynda áleýetti ári qaraı damytýǵa, sondaı-aq, mergenderdiń jaýyngerlik daıarlyǵyn jáne kásibı biliktiligin kóterýge baǵyttalǵan.
Antıterorlyq arnaıy operasııanyń erekshelikterin eskere otyryp, atalmysh jarystar 12 pándik tórt sanattan quraldy. Onyń ústine, ár túrli jarystar ár jerde bir mezette ótkizildi.
«Ostryı klınok» halyqaralyq jarysy Qytaıdyń Halyqtyq qarýlanǵan polısııasynyń halyqaralyq yntymaqtastyqty júzege asyratyn, shynaıy jaǵdaıǵa jaqyn etip oqý-jattyǵýlardy ótkizýden ózindik brendi bolyp tabylady.
Eki jylda bir ótetin «Ostryı klınok» jarysy alǵash ret 2016 jyly Beıjińde 15 eldiń qatysýymen ótken.