Halyq turmysy jaqsarady

Qazirgi tańda atqarylyp jatqan sharýalar aýqymdy. Má­selen, Májiliste qaralyp jat­qan jobada áleýmettik salaǵa 4,7 trıllıon teńge bólinbek. Bul el bıýdjetiniń 42 paıyzyna teń. 

Táýelsizdik alǵaly beri 1300-den astam densaýlyq saqtaý me­­ke­mesi salyndy. Osy shama­da bilim ordalary ashyldy. Zeı­netaqy ósip, áleý­­mettik qyzmetterdiń quny ar­zan­dady. Alaıda áli kúnge she­shil­megen túıtkilder bar. Máselen, bilim berý salasynda mektepterdegi úsh aýysymdyq oqý, oqý ǵımarat­ta­rynyń sapasy – nazar aýda­rar­lyq nárse. Den­saýlyq saqtaý, bilim berý sa­la­laryndaǵy jumysshylar ja­laqysynyń azdyǵy sekildi má­seleler de jeterlik.  

Joldaýda aıtylǵandaı, den­saýlyq, bilim jáne ǵylym salalaryna bólinetin qarjyny ishki jalpy ónimniń 10 paıyzyna ­de­ıin ulǵaıtý halyqtyń tur­my­syn jaqsartyp, balalardyń qajet­ti bilim alýyn qamtamasyz etip, medısınalyq qyzmetter men emdelýdi jeńildetedi. Son­daı-aq mundaı qadam Qazaqstan­dy halyqaralyq standarttar­ǵa jaqyndatyp, damyǵan 30 el­diń qataryna enýge múmkindik beredi. 

Aýyl sharýashylyǵyna ar­n­alǵan bóligi de tıimdi júzege asa­dy dep esepteımin. О́ıtkeni atal­ǵan jobalarǵa naqty qarajat bó­lingen.  

Shavhat О́TEMISOV,

Parlament Májilisiniń depýtaty