Aqtóbede Memleket basshysynyń «Rýhanı jańǵyrý» baǵdarlamasynyń «О́zgeristerdi ózińnen basta» kishi baǵdarlamasyn iske asyrý maqsatynda kópshilikke keńinen tanymal aqyndar Indıra Kereeva jáne Gúljaınar Qaldınanyń qatysýymen shyǵarmashylyq kesh ótti.
Sonymen qatar,keshke jazýshy jáne aıtysker, qazirgi ýaqytta QR Memlekettik qyzmet isteri jáne sybaılas jemqorlyqqa qarsy is-qımyl Agenttigi jurtshylyqpen baılanys departamentiniń dırektory Arman Berdalın jáne oblystyń memlekettik qyzmetshileri qatysty.
Memlekettik qyzmetshilerdiń sanasyn jańǵyrtýǵa, ulttyq rýhty nyǵaıtýǵa jáne shyǵarmashylyq áleýetin damytýǵa arnalǵan poezııalyq kesh S. Báıishev atyndaǵy oblystyq kitaphanada ótti.
Keshte shyǵarmashylyq qaıratkerleri ózderiniń óleńderi men shyǵarmashylyq jumystaryn tyńdaýshylar nazaryna usyndy.Bul óz kezeginde memlekettik qyzmetkerlerge jazýshylardyń mádenıeti jáne shyǵarmashylyq ónerimen jaqyn tanysýǵa múmkindik berdi.
«Jalpy bul kerek dúnıe. Kesh barysynda memlekettik qyzmetshiler ózderin basqa qyrynan kórsetip, óleń oqyp, poezııaǵa jaqyn ekendikterin baıqatty. Tipti keıbireýleri arnaıy suranyp ta kelgen. Kesh sońynda qatysýshylardyń ketkisi kelmegendigin baıqadym. Bul degenimiz ne? Bir jaǵynan bul suranystyń joǵarylyǵy bolsa, ekinshi jaǵynan mamandardyń bos ýaqytynyń bolmaýyna baılanysty rýhanı shóldep qalǵanyn bildiredi. О́z basym osyndaı keshterdi jıi ótkizý qajet dep oılaımyn», - dedi I. Kereeva
Sonymen qatar, aqyndar qoǵamda ózekti máselege aınalǵan patrıotızm, elge degen súıispenshilik suraqtaryn kóterip, túrli pikirler men ıdeıalardy usyndy.
Kesh sońynda tyńdaýshylar qatysýshylarǵa, ásirese uıymdastyrýshylarǵa erekshe rızashylyqtaryn bildirdi.
Temir QUSAIYN,
«Egemen Qazaqstan»