Keshe Mádenıet jáne sport mınıstrligi «Qazaq tili emlesiniń negizgi erejeleri jobasynyń» praktıkalyq turǵyda iske asyrylýyn baqylaý maqsatynda jalpyhalyqtyq dıktant ótkizdi.
Osyǵan oraı Astana qalasyndaǵy joǵary jáne orta arnaýly oqý oryndarynyń, mektepke deıingi mekemelerdiń, mektepterdiń oqýshylary, stýdentteri, ustazdary, sonymen qatar mádenıet, sport, medısına, kommýnaldyq sharýashylyq, energetıka jáne basqa da salalardyń qyzmetkerleri latyn grafıkasynda dıktant jazdy. Sharaǵa 15 jastan joǵary azamattar qatysty.
Bekitilgen dıktant mátini aýdıojazbalar arqyly taratylyp, «Shalqar», «Qazaq» radıolarynan berildi. Uzaqtyǵy 30 mınýtqa sozylǵan shara arnaıy belgilengen oryndarda júrgizildi.
«Búgin elimiz boıynsha tarıhı sát deýge bolady. Elbasymyzdyń bastamasymen qazaq tilin latyn álipbıine kóshirý máselesi qazirgi tańda praktıkalyq turǵydan iske asýda. Úkimet basshysynyń tapsyrmasymen búkil elimiz boıynsha búgin jalpyhalyqtyq dıktant ótti. Astana qalasy boıynsha osy sharaǵa qatysýǵa nıet bildirgenderdiń sany 50 myńnan asady. Jer-jerlerde jazylǵan dıktant jumystaryn biz alyp, jınaqtap, olardyń qanshalyqty emle-erejege saı jazylǵanyn tekseremiz. Sodan keıin árqaısysyna tıisti baǵalar qoıamyz. Bul jerdegi negizgi maqsat – Elbasymyz bekitken alfavıttiń sońǵy nusqasyna oraı Til komıteti jasaǵan emle-erejeniń jobasyn halyqpen birge talqylaý. О́ıtkeni osy dıktant jazý arqyly kelip túsken jumystarǵa súıene otyryp halyq áripterdi qalaı qabyldady, mátin jazǵan kezde kóbine qandaı qatelikter ketedi, qandaı máselelerge mán bergen durys degen suraqtardyń jaýabyn ala alamyz. Sóıtip, muny Til komıtetine jiberemiz. Olar respýblıka boıynsha jınaqtalǵan málimetterdi saraptap, ózderiniń qorytyndysyn shyǵarady», dedi Astana qalasy Tilderdi damytý jáne arhıv isi basqarma basshysynyń orynbasary Sáken Zııabekuly.
Arnaıy oryndarǵa kelip qatysa almaıtyn tulǵalar úshin dıktantty emle.kz, tilalemi.kz saıttarynyń basty betinde ornalasqan siltememen kompıýter nemese uıaly telefon arqyly kirip, belgilengen ýaqytta dıktant aýdıosyn tyńdaı otyryp jazýǵa múmkindik berildi.
«Rýhanı jańǵyrý» taqyrybynda bolǵan dıktantqa qatysqan Astana qalasynyń turǵyny Aqulan О́seruly latyn álipbıimen jazý asa qıyndyq týdyrmaǵanyn tilge tıek etti.
«Kúndelikti áleýmettik jelilerdi paıdalanǵanda latyn grafıkasyn qoldanamyn. Sol sebepti aıtarlyqtaı qıyndyqqa kezikpedim. Eger adamda úırenemin degen shynaıy nıet bolsa, onda kez kelgen nárseni ıgerip alýǵa bolady. Munyń ishindegi birneshe áripterdi jaqsylap eske saqtap alsańyz, qalǵandary qıyndyq týdyrmaıdy. Men latyn álipbıine kóshýdi qoldaımyn. Sebebi kórshi О́zbekstan eli latynǵa kóship, birshama ilgeri isterge qol jetkizgendigin baıqap otyrmyz. Bul meniń oıymsha ózge elderdiń qazaq ádebıetin, mádenıetin nemese tól týyndylarymyzdy oqýǵa jańa serpin beredi. Jastar jaǵy jańa álipbıge ótýde kedergilerge kezdespeıdi dep oılaımyn. Al egde jastaǵy adamdarǵa álipbıdi úıretýdiń ártúrli joldaryn qarastyrý qajet. Sebebi adamnyń jasy ulǵaıǵan saıyn onyń este saqtaý qabileti de nasharlaı túsetini belgili. Sondyqtan olar jańa álipbıdi tez ıgerý úshin oıyn túrinde nemese túrli jattyǵý jasaý ádisterin paıdalanǵan jón», deıdi ol.
Raýan QAIDAR,
«Egemen Qazaqstan»