О́ńirler yntymaǵy naryqty keńeıtedi

Qonaqtar «Saryarqa­Avto­Prom» zaýytynda bol­ǵan­da Almaty obly­synyń ákimi A.Batalovqa Taldy­­­­qor­ǵan­­­­­da­­­ǵy bala­­­lar úıi úshin «Peugeot 301» mashına­synyń kilti tabys etildi. Almaty oblysynyń ákimi qostanaılyq zaýytta quras­tyrylyp jatqan avtobýstar men júk mashınalaryna qyzyǵýshylyq bildirdi. 

– Biz júrdek mashınalardy shetelderge shyǵaryp ja­tyr­myz. Bıyl 11 myń ma­shınany sapqa qoıamyz, ke­le­si jyly bul kórsetkish eki ese kóbeıetin bolady. Kásip­orynda bir myń adam jumys isteıdi, ortasha jalaqysy − 125 myń teńge. Aldaǵy ýa­qytta jalaqyny ósirý oıda bar. Eksport kólemi bıyl 7 paıyzǵa artty, – dedi «Allıýr» kompanııalar toby» AQ dırektorlar ke­ń­e­siniń tóraǵasy Andreı Lavrentev. 

Ekijaqty kezdesýde Qos­­­ta­n­­aı obly­­synyń ákimi Arhımed Muham­betov Qos­tanaı oblysy men Al­maty oblysynyń arasyndaǵy eko­no­­mıkalyq baılanys nyǵaıa túskenin atap ótti. Mysaly, ótken jyly Almaty oblysyna Qostanaı óńirinen jiberilgen ónimder quny 9 mıllıard teńgeden asqan. Bul burnaǵy jylmen salystyrǵanda 14 paıyzǵa kóp. Sondaı-aq jetisýlyq bıznes ókilderiniń Qostanaıǵa artqan ónimi de osy shamalas bolady. 

A.Muhambetov yntymaq­tasyp ot­yrǵan eki oblys ta shekaralyq óńir ekenin atap aıtty. Almaty oblysy Qytaımen, Qostanaı Reseı­men shektesedi. Munyń ózi eki oblys­tyń da naryǵyn keńeıte túsedi. Bul qos ob­lystyń memorandým bo­ıynsha ın­vestısııa salýyna qolaı­­lylyq týǵyzady. Arhımed Bege­jan­uly Re­seıge ınvestısııa sala­tyn almatylyq kásipkerlerge Qo­­s­tanaı­da ózderiniń ókil­digin ashýyna usy­nys jasady. Tobyl-Torǵaı óńi­ri­niń jetisýlyqtarǵa usynary da jetkilikti.

– Biz ózimiz­de qu­­ras­­ty­r­y­­lyp jat­qan mashınalar men traktorlar, kombaın­dar men basqa da aýyl­shar­ýa­shy­lyǵy tehnıkalaryn­ be­re alamyz. Osy jyly Rýd­nyı qala­syn­da qýatty zamanaýı sement zaýy­ty iske qosylady, sizderge Qy­taımen shekaradaǵy jańadan saly­nyp jatqan Nurkent qala­sy­nyń qurylysy úshin onyń ónimin art­tyrýǵa ábden bolady, – dedi A.Mu­hambetov. Sonymen qatar Je­tisý­dyń ásem tabıǵatyn kórýge, kó­rik­­ti jerlerin aralap, demalýǵa qostanaı­lyqtardyń yntaly ekeni aıtyldy.

Al Almaty oblysynyń ákimi A.Batalov óziniń ósken jeri − Qos­tanaı oblysynyń kórkeıgenin kórip qýanǵanyn jasyrmady. Je­tisýlyq delegasııa Qostanaı qala­syndaǵy memleket-jekemenshik áriptestigimen salynǵan qu­ry­lys­tar, turǵyn úıler jáne qalany kórkeıtý jumys­ta­rynan ozyq tájirıbe de alý­dy uıǵardy. Árıne, iri megapolıs − Almaty qalasy turǵan oblysty Qos­tanaı óńirimen sal­ys­­ty­r­ý­­ǵa bol­maıdy. Olarda 6 ındýstrııalyq aı­maq bar, al Qostanaıda bireýi endi salynyp jatyr. Biraq A.Batalov ınvestısııa tartý jóninen Qostanaı oblysynyń al­ǵa ket­­kenin moıyndady. Qos­tanaıdaǵy ındýstrııalyq aımaqtyń ınvestorlar úshin sonsha­lyq­ty qolaıly etip salynyp jat­qanyna joǵary baǵa berdi. 

Jetisýlyq áriptester qos­tanaı­l­yq ınvestorlarǵa jer telimin berýge ýáde etti. Taldyqorǵan qa­lasynda «Baıan sulý» kondıter fab­rı­­­ka­sy­nyń saýda pavılony sal­y­natyn bolady. Demek, «Baıan sulýdyń» sapaly ónimi Qazaqstannyń ońtústik, shy­ǵys aımaqtaryna shyǵarylýy úshin mol múmkindik týady. 

– «Baıan sulý» kondıter fabrı­ka­sy úshin qantty da ózimizdegi zaýyt­tan beremiz. Jetisýlyqtar qant qy­z­yl­shasynyń alqaptaryn keńeı­tip, ónimdilik úshin de zamanaýı teh­nologııalardy paıdalanyp jatyr. Qy­zylsha alqaptaryndaǵy jumystarǵa Qostanaıda quras­tyrylǵan «Belarýs» traktoryn paı­dalanatyn bolamyz, – dedi A.Batalov. 

Qos oblystyń ákimderi yntymaq­tastyq jónindegi memorandýmǵa qol qoıdy. Onda kórsetilgen negizgi ju-m­ys baǵyttaryn naqtylaı túsý úshin eki oblys ákim­deriniń orynbasarlaryna tapsyrma berildi.

Názıra JÁRIMBET,

«Egemen Qazaqstan»

QOSTANAI