Memleket basshysy N.Nazarbaev 5 qazandaǵy «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda ómir súrýge jaıly orta qalyptastyrý maqsatynda, turǵyn úıdiń qoljetimdiligin, aýlanyń abattandyrylýy men qaýipsizdigin, tirshilikke jáne jumys isteýge qolaıly eldi mekenniń sapaly ınfraqurylymyn qamtamasyz etý úshin Úkimetke, jergilikti atqarýshy organdarǵa naqty tapsyrmalar berdi.
Bul bastama budan burynǵy áleýmettik baǵdarlamalardyń júıeli iske asyrylýyna yqpal etip, árbir qazaqstandyqtyń ál-aýqatyn odan ári jaqsartýǵa baǵyttalǵan asa iri joba, mańyzdy qujat.
О́ńirlerde bolǵan issaparlarymyzdyń barysynda, Jambyl oblysy turǵyndary turmys-tirshilikterine baılanysty birqatar máseleni kóterdi. Sonyń ishinde oblys eldi mekenderin tabıǵı gazben tolyq qamtamasyz etý barysy kókeıkesti másele retinde alǵa tartyldy. Aýa raıy qatal, keıbir jyldary qar shamadan tys túsetin taýly aımaqtarda ornalasqan aýyldardyń túıini sheshilmegen máseleleri kóńildi alańdatady. Atap aıtqanda, gazben qamtylmaǵan eldi mekenderdegi aýyl jastarynyń qalaǵa kóshýiniń artýy, sondaı-aq Qoshqarata jáne Ertaı aýyldaryndaǵy jańadan salynǵan sáýletti eki qabatty mektepterdiń oqýshylarmen qamtamasyz etilmeı qalý qaýpi týraly oı-tolǵanystaryn aýyl turǵyndary qamyǵa aıtty.
Aýyl turǵyndarynyń kótergen otyrǵan máseleleri oryndy dep sanaımyz. Sońǵy birneshe jyl boıy gazdandyrý máselesi barlyq joǵarǵy bıilik organdarynda óz sheshimin tappaǵan soń turǵyndardyń ómir súrý sapasyn arttyrýǵa degen úmit Joldaýdan keıin qaıta jandanýda.
Qazir Jambyl oblysyndaǵy 377 eldi mekenniń 181-i gazdandyrylǵan. Bul – 48% degen sóz. 2018-2025 jyldary taǵy 173 eldi mekendi gazben qamtý josparlanýda, nátıjesinde 354 eldi meken gazdandyrylyp, 94%-ǵa jetetin bolady.
Sonymen qatar 2019 jyly «Nurly jol» baǵdarlamasy aıasynda Taraz qalasyndaǵy kópqabatty úıler arasyndaǵy jylý jelilerin qaıta jańǵyrtý boıynsha úsh joba ázirlenip, Investısııa jáne damý mınıstrligine bıýdjettik ótinim tapsyryldy jáne atalmysh baǵdarlamany jańartýdy jalǵastyrý maqsatynda 1,5 mlrd teńge qajet ekenin jetkizemiz.
Eldi mekenderdi gazdandyrýdy jalǵastyrý úshin Úkimetten 2019-2021 jyldarǵa arnalǵan respýblıkalyq bıýdjetten qosymsha 4,5 mlrd teńgeniń bólinýine yqpal etý suraldy.
Ábdáli NURALIEV,
Senat depýtaty