Prezıdent Nursultan Nazarbaev óziniń 2018 jylǵy 5 qazan kúni jarııalaǵan Joldaýynda Qazaqstannyń qol jetkizgen tabystaryn kórsete otyryp, el aldyndaǵy aýqymdy mindetterdi, júzege asyrylýy tıis sharalardy naqtylap berdi.
Bul mindetter men sharalar barsha qazaqstandyqtyń ómir súrý sapasy men turmystyq jaǵdaıyn arttyrýǵa baǵyttalǵan. Prezıdent eldi jańǵyrtý úderisinde eshqandaı kedergi bolmaýy tıis dep esepteıdi. Kerisinshe, árbir qazaqstandyq alǵa qoıylǵan mindetterdiń júzege asýyna óz úlesin qosa otyryp, onyń ıgilikterin sezine bilýi kerek. Naqtylaı aıtqanda, qoǵamnyń barlyq músheleri memlekettik qoldaýdyń arqasynda óz ómirlerin jaqsartyp qana qoımaı, eldi damytý sharalaryna atsalysqany abzal.
Jalpy, Joldaýda halyqtyń ómir súrý sapasyn jaqsartý, qaýipsiz ári jaıly qoǵam qalyptastyrý, azamattardyń suranysyna beıimdelgen memlekettik apparat qurý, basqarýdy ońtaılandyrý, bilim berý ınfraqurylymyn jáne basqa da salalardy kásibı turǵyda jetildirý arqyly Qazaqstandy básekege qabiletti memleket retinde damytý kózdelgen.
Germanııadaǵy qazaq-nemis qoǵamynyń tóraǵasy retinde men qazaq halqynyń ómir súrý sapasyn jaqsartý baǵytyndaǵy sharalardy barynsha qoldaımyn. Osy oraıda germanııalyq kompanııalar, kásiporyndar men qaýymdastyqtar Qazaqstan aýmaǵynda jemisti eńbek etip, eldiń damýyna atsalysyp kele jatqanyn atap ótkim keledi.
Men Prezıdent Nursultan Nazarbaev usynǵan Joldaýda kórsetilgen mindetterdiń barlyǵy qazaqstandyqtardyń ıgiligi úshin júzege asýyn tileımin!
Karın ShTRENS,
Býndestag depýtaty, Germanııadaǵy qazaq-nemis qoǵamynyń tóraǵasy