Baqytjan Saǵyntaevtyń tóraǵalyǵymen ótken Úkimet otyrysynda TKSh salasyndaǵy monopolısterdiń qyzmetterine tarıfterdi tómendetý boıynsha júrgizilip jatqan jumystar týraly ulttyq ekonomıka mınıstri Tımýr Súleımenov baıandady, dep habarlaıdy Premer-mınıstrdiń baspasóz qyzmeti.
Mınıstr atap ótkendeı, TKSh salasyndaǵy monopolısterdiń qyzmetterine, jaryqqa, kómirge, jylýmen, sýmen, gazben jabdyqtaýǵa, káriz júıesine, telefon baılanysyna, ınternetke, lıftterge qyzmet kórsetýge, qoqys shyǵarýǵa tarıfterdi tómendetý maqsatynda Ulttyq ekonomıka mınıstrligi birqatar sharalardy qabyldady.
«Búgingi kúni jylýmen, sýmen jáne elektr energııasymen jabdyqtaý salasyndaǵy 32 monopolıst boıynsha tarıfterdi 20,3 mlrd teńgege, onyń ishinde sońǵy eki aptada 6 sýbekti boıynsha 1,9 mlrd teńgege tómendetý týraly sheshim qabyldandy. Monopolıstterdiń negizsiz alǵan kiristerin anyqtaý jáne olardy tutynýshylarǵa qaıtarý maqsatynda 33 jospardan tys tekserý ashyldy. 24 jospardan tys tekserý ashylý aldynda», — dedi T. Súleımenov.
Jylýmen jabdyqtaý
Almaty oblysy: «Jylý jelileri» JShS 320 mıllıonǵa 5 619,46-dan 5 604,85 teńge/Gkal-ǵa (-0,26%) tómendedi;
Sýmen jabdyqtaý/su burý
Almaty oblysy: «Qapshaǵaı Sý Arnasy» MKK, 93 mıllıonǵa, onyń ishinde sýmen jabdyqtaý 87,92-den 75,34 teńge/m3 (-14,31%), sý burý 108,53-ten 73,99 teńge/m3 (-31,83%) tómendedi;
Elektrmen jabdyqtaý
Aqtóbe oblysy: «Aqtóbeenergosnab» JShS, 314 mıllıonǵa 14,39-dan 14,16 teńge/kVts (-1,6%) tómendedi;
Qyzylorda oblysy: «Energoservıs» JShS, 200 mıllıonǵa 18,16-dan 17,9 teńge/kVts (-3,67%) tómendedi;
Almaty oblysy: «Jetisý Energotreıd» JShS, 158 mıllıonǵa 18,16-dan 17,9 teńge/kVts (-1,43) tómendedi;
Soltústik Qazaqstan oblysy: «Soltústik energoortalyq» JShS, 9,8 mıllıonǵa 17,9-dan 16,78 teńge/kVts (-6,6%) tómendedi.
Mınıstrlik sonymen qatar, elektr energııasyna jáne gazǵa arnalǵan kóterme baǵalardy tómendetý jumysyn júrgizýde, bul sońǵy tutynýshylar úshin bólshek baǵalardy tómendetýge múmkindik beredi. UEM oblystardyń jáne Astana, Almaty men Shymkent qalalarynyń ákimdikterimen jylýmen jabdyqtaý, sýmen jabdyqtaý, elektr energııasyn taratý jáne jabdyqtaý, qoqysty shyǵarý, páter ıeleriniń kooperatıvi, lıft qyzmetterine, sondaı-aq avtobýs, trolleıbýs jáne tramvaı tasymaldary qyzmetterine baǵalardy tómendetý boıynsha jumystar júrgizý qajettiligi týraly máseleni pyqystap jatyr.
T. Súleımenov atap ótkendeı, Jambyl oblysynyń ákimdiginiń aqparaty boıynsha 2018 jyldyń 1 jeltoqsanynan bastap kelesi qyzmetterdiń baǵalary tómendetiletin bolady:
páter ıeleriniń kooperatıvi qyzmetterine 6,7% (15 teńgeden 14,1 teńgege);
qoqys shyǵarý qyzmetterine 5% (99 teńgeden 94,4 teńgege);
lıft qyzmetterine 7% (770 teńgeden 715 teńgege).
Memleket basshysynyń halyqpen keri baılanys uıymdastyrý boıynsha tapsyrmasyn oryndaý maqsatynda halyqpen turǵyn-úı sharýashylyǵy salasyndaǵy problemalyq máseleler jóninde 1312 adam qatysqan 48 qoǵamdyq qabyldaý ótkizildi. T. Súleımenov ótkizilip jatqan qoǵamdyq qabyldaýlarǵa qatysa almaıtyn tutynýshylar úshin «jedel jeli» telefondary jumys isteıtinin habarlady. Jedel jeli telefony 8-8000-8000-12, Qazaqstan boıynsha qońyraý shalý tegin.
Orta merzimdik sharalarǵa qatysty, tarıf belgileýdiń ashyqtyǵyn jáne monopolıstterdiń tarıftik smetalar men ınvestısııalyq mindettemelerdi oryndaýyn kúsheıtý úshin zańnamaǵa túzetýlerdiń eki toptamasy ázirlendi.
Monopolısterge tekserýler júrgizý tetikterin nyǵaıtatyn jáne Kásipkerlik kodekske ózgerister engizýdi talap etetin túzetýler Parlament Májilisiniń qaraýyndaǵy bıznes ortany damytý jáne saýda qyzmetin retteý máseleleri jónindegi zań jobasynda aldyn ala qarastyrylatyn bolady.