Kelesi jyly Túrkistan oblysynda ulttyq kodty jańǵyrtý maqsatynda «Sáıgúlikter» festıvali uıymdastyrylyp, at sporty, teńge ilý, aýdaryspaq, qyz qýý, jamby atý, sáıgúlikter sherýi, sondaı-aq at ábzelderi, attyly jaýyngerlerdiń kıimi men qarý-jaraqtaryna arnalǵan kórmeler, jylqy malyna baılanysty jyr músháırasy, jyrshylar men termeshiler baıqaýyn ótkizý josparlanýda.
Sonymen qatar «Shyǵys bazary» atty festıval ótkizý de josparda bar. Ondaǵy maqsat qola, mys, temir, kúmis, altynnan jasalǵan áshekeı buıymdar, turmystyq zattar men qarý-jaraqtardyń jármeńkesi ótkizý arqyly qazaq jeri – metallýrgııa paıda bolǵan alǵashqy ortalyqtyń biri ekenin pash etý. Túrkistan oblysynyń ákimi J.Túımebaevtyń málimdeýinshe, Elbasy tapsyrmasy boıynsha Q.A.Iаsaýıdiń tarıhı bolmysyn jahanǵa óz deńgeıinde tolyq tanytyp, nasıhattaý maqsatynda jańa Iаsaýı mýzeıi salynady. Sondaı-aq, Túrkistan qalasynda álemniń túkpir-túkpirinde Iаsaýı babanyń ǵylymı murasyn zerttep júrgen ıasaýıtanýshylardyń basyn qosyp, halyqaralyq konferensııa ótkizý mejelengen. Iаsaýı muralary keshendi túrde zerttelip, derekti jáne kórkem fılmder túsiriledi.
Atalǵan jumystardyń barlyǵy Elbasynyń «Uly Dalanyń jeti qyry» maqalasynda aıtylǵan mindetterdi oryndaý sheńberinde júzege asyrylatyn bolady.
Ǵalymjan ELShIBAI,
«Egemen Qazaqstan»
Túrkistan oblysy