Jıyn barysynda syrtqy faktorlardyń ulttyq qaýipsizdik ahýalyna áseri jáne qorǵanys salasyndaǵy memlekettik saıasattyń iske asyrylýy jónindegi máseleler qaraldy, dep habarlaıdy Aqordanyń baspasóz qyzmeti.
– Qazaqstanǵa áser etetin syrtqy faktorlardyń bar ekenin bárimiz bilemiz. Solardyń ishinde Reseı men AQSh arasyndaǵy sanksııalyq teketires, Qytaı men AQSh arasyndaǵy saýda shıelenisi, Sırııadaǵy ahýal jáne basqa da jaǵdaılar bar. Osyǵan baılanysty bizge máselelerdi talqylap, tıisti sharalar qabyldaý qajet, – dedi Qazaqstan Prezıdenti.
Kún tártibindegi ekinshi máseleni talqylaý barysynda Qorǵanys mınıstri N.Ermekbaev Qarýly Kúshterdiń bıylǵy oqý jylyndaǵy áskerı daıyndyǵynyń jáne ótkizilgen oqý-jattyǵýlardyń negizgi qorytyndylary, sondaı-aq áskerdiń jaýyngerlik daıyndyǵyn arttyrý jóninde qabyldanyp jatqan sharalardyń nátıjeleri týraly baıandama jasady.
Sonymen qatar, jıyn barysynda qorǵanys ónerkásibi kásiporyndaryn jańǵyrtý jáne qorǵanys ónimderiniń jańa túrleriniń óndirisin ıgerý jónindegi usynystar qarastyryldy.
Basqosý qorytyndysy boıynsha Nursultan Nazarbaev birqatar naqty tapsyrma berdi.