Astanada Ulttyq geologııalyq qyzmet bazasynda zamanaýı zerthanalyq keshen qurý jobasy júzege asyrylyp jatyr. Bul týraly MINEX Kazakhstan 2026 forýmynda О́nerkásip jáne qurylys vıse-mınıstri Iran Sharhan aıtty, dep habarlaıdy Egemen.kz.
El aýmaǵynyń geologııalyq-geofızıkalyq zerttelý deńgeıin arttyrý boıynsha jumystar júıeli túrde júrgizilip jatyr. Vıse-mınıstrdiń sózinshe, qazirgi tańda bul kórsetkish 2,038 mıllıon sharshy shaqyrymǵa jetken.
«2026 jyly qatty paıdaly qazbalardy barlaý jáne óndirý quqyǵyn berý úshin 50 ken orny boıynsha aýksıon ótkizý josparlanyp otyr. Sonymen qatar, Astanada Ulttyq geologııalyq qyzmet bazasynda zamanaýı zerthanalyq keshen qurý jobasy júzege asyrylyp jatyr. Nysandy paıdalanýǵa berý 2028 jylǵa josparlanǵan», dedi Iran Sharhan.
STEM zerthanasy: Jarkenttik oqýshylar 3D tehnologııasy men IT-baǵdarlamalaýdy meńgerdi
Aıta keteıik, MINEX Kazakhstan 2026 forýmyn ótkizý Astanada 14-16 sáýir aralyǵyna josparlanǵan. Is-sharaǵa memlekettik organdardyń, bıznestiń jáne halyqaralyq ınvestorlardyń ókilderi qatysyp jatyr. 100-den astam spıker, 500-den astam qatysýshy, 40 eksponent jáne 33 elden 1000-nan astam kelýshi jınalady dep kútilgen.
Nurbolat AMANBEK