Qazaqstanda «Ádilet» atty jańa saıası partııa qurý bastamasy kóterildi. Bastamashyl top reformalardy qoldaýǵa, zań ústemdigin nyǵaıtýǵa jáne azamattardyń sheshim qabyldaý úderisine qatysýyn keńeıtýge baǵyttalǵan saıası uıym qurýdy kózdep otyr, dep habarlaıdy Egemen.kz.
Jańa partııanyń negizgi maqsattary – Qazaqstan azamattarynyń quqyqtary men bostandyqtaryn qorǵaý, teń múmkindikterdi qamtamasyz etý, sondaı-aq ekonomıkalyq jáne sot ádildigin qalyptastyrý.
Bastama avtorlarynyń aıtýynsha, partııanyń mıssııasy 2026 jylǵy 15 naýryzda ótken referendýmda qabyldanǵan jańa Konstıtýsııa qaǵıdalaryn iske asyrýmen baılanysty. Sonymen qatar olar eldiń qoǵamdyq-saıası ómirine belsendi qatysýǵa daıyn azamattardy biriktirýdi maqsat etedi.
«AMANAT» partııasy jańa jobany iske qosty16 sáýir kúni bastamashy top partııany tirkeý rásimin bastaý úshin qujattardy Ádilet mınıstrligine joldaýdy jáne quryltaı sezin ótkizýdi josparlap otyr.