Úzdikterge «Altyn tobylǵy» tabystaldy

Elimizdiń Tuńǵysh Pre­zıdenti – Elbasynyń Qo­ry jas ádebıet­shilerdiń eńbegine osymen tór­tinshi ret qoldaý kórsetti. Jyl­dan jylǵa baıqaýǵa degen qy­zyǵýshylyq artyp ke­le­di. Bıylǵy báıgege eldiń túk­pir-túkpirinen 108 shyǵarma ji­berildi. Jeńimpazdar «Jyldyń úzdik prozasy», «Jyldyń úzdik poezııasy», «Jyldyń balalarǵa arnalǵan úzdik shyǵarmasy», «Jyldyń úzdik dramatýrgııasy» dástúrli atalymdar boıynsha belgilendi. Ár atalym boıynsha syı­aqy qory 1 mıllıon teń­geni quraıdy. Sonymen qa­tar baıqaý As­­­­tananyń me­reıtoıyna arnalǵan «As­tananyń 20 jyl­dyǵy» taqy­rybyna ar­nalǵan úzdik áde­bı týyndy» arnaıy atalymymen tolyqty. Onyń júlde qory – 1,5 mıllıon teńge.

Marapattaý rásimine Par­lament depýtattary, bel­gili qoǵam, mádenıet, óner qaı­ratkerleri, sondaı-aq oqy­týshylar men joǵary oqý oryndarynyń stýdentteri qatysty. Baıqaýdyń ma­ńyz­dylyǵy men qazaq áde­bıetin damytýǵa qosatyn úle­sine toqtalǵan Tuńǵysh Prezıdent-Elbasy Qorynyń atqarýshy dırektory Qanat Jumabaev: «Jyl saıyn «Altyn tobylǵy» baıqaýy bizge qazaqstandyq jańa aqyn­dar men jazýshylardy ta­­nytady. Bul óz kezeginde jas­tar men qoǵam arasynda qazirgi zamanǵy ádebıetti oqýǵa yntalandyrýǵa, jańa býyn avtorlarynyń jarqyn ókilderin anyqtaýǵa yqpal etedi. Biz basty qundylyq dep osyny sanaımyz.

«Jyldyń úzdik prozasy» atalymynda «Adasqandar» shyǵarmasymen Aızat Raqy­sheva úzdik shyqty. «Jyl­dyń úzdik poezııasy» atalymy boıynsha Qaısar Qa­ýymbek («Kúńirenbe, molalar») jáne Aıbol Is­lamǵalıev («Jalǵyzdyq kar­tınasy») qatar jeńimpaz atan­dy. «Jyldyń balalarǵa arnalǵan úzdik shyǵarmasy» atalymynda Alına Ga­tına jeńimpaz boldy. «Asta­na­nyń 20 jyldyǵy» taqy­rybyna arnalǵan úzdik áde­bı týyndy» atalymynyń ıe­geri bolyp Sherhan Talap («Astana boıaýlary») tanyldy. Bıyl «Jyl­dyń úzdik dramatýrgııa­sy» atalymy boıynsha usy­nyl­ǵan jumystardyń qo­ıyl­ǵan talaptarǵa saı­­ kel­meýine baılanysty,­ je­ńimpaz anyqtalǵan joq.­ Sondaı-aq «Jyldyń úz­dik prozasy» atalymy­ boıynsha Tursynbek Basha­rovqa («Chırıme») jáne «Jyl­dyń­ balalarǵa arnal­ǵan úz­dik shyǵarmasy» ata­ly­myn­­da Marǵulan Aqan­­­­ǵa («Jetiqaraqshy») kóter­­meleý syıaqysy retinde 500 myń teńgeden berildi.

Raýan QAIDAR,

«Egemen Qazaqstan»