Təýelsizdik bizge Qudaıdyń bergen syıy. Bul – qasıetti uǵym. Búginde elimiz eńse tiktedi. Respýblıkamyzda halyqaralyq deńgeıdegi talaı aýqymdy shara ótkizildi. Degenmen əli de atqarylatyn dúnıeler shash etekten ekeni belgili. Sondyqtan biz arqany keńge almaı, osy ýaqytqa deıin qol jetkizgen jetistikterimizdi eseleı túsýimiz kerek. Sol kezde memleket damýy qarqyn alady. Ərıne bul ońaı sharýa emes. Ol úshin elimizdiń ərbir oǵlany óz salasynda úzdik atanyp, ərbir azamat shama-sharqynsha elimizdiń damýyna úles qosýy tıis.
Sportshy retinde elimiz Táýelsizdik alǵannan keıin eki birdeı Olımpıada alamanynda elimizdiń kók týyn kótergenim áli kúnge deıin keýdemdi maqtanysh kerneıdi. Elimiz jeke-dara memleket retinde 1996 jylǵy AQSh-tyń Atlanta qalasynda ótken Jazǵy Olımpııa oıyndaryna tuńǵysh ret qatysty. Álemniń alpaýyt memleketteri qatysatyn tórt jyldyqtyń basty dodasyna Qazaqstan sportshylary da ózgelermen ıyq tiresip, júlde úshin talasty. Sol baıraqty dodada Qazaqstannyń baıraǵyn ustap shyǵý baqyty maǵan buıyrdy. Alǵash ret Olımpıadaǵa qatysyp jatsaq ta, qazaqtyń namysty ul-qyzdary 3 altyn, 4 kúmis jáne 4 qola medal oljaladyq.
Tórt jyldan keıin Sıdneı Olımpıadasyna qatysýǵa joldama alyp qana qoımaı, ekinshi ret kók týdy Sıdneı tórinde alyp shyǵý mártebesi maǵan buıyrdy. Ekinshi ret óz moınyma úlken jaýapkershilikti alǵanymdy sezindim. Elbasy Nursultan Nazarbaev maǵan týdy tapsyrǵan kezde: «Nursultan Ábishuly, Siz bergen kók baıraqty Sıdneı arenasynda abyroımen alyp ótip, ózińizge abyroımen ákelip tapsyramyn» degen bolatynmyn. Osyndaı ýádemen Olımpıadaǵa attanyp, kók týymyzdy abyroımen Elbasyna tabystaǵanym áli kúnge deıin kóz aldymnan ketpeıdi. Týdy Prezıdentimizge tabystap turǵanymda ol kisi maǵan: «Aınalaıyn Ermahan, er ekensiń! Kók týymyzdy kókke kóterip, sony altyn júldemen maǵan tapsyrǵanyń úshin rahmetimdi aıtamyn», dedi. Elbasynyń bul sózi maǵan Olımpıadanyń altyn júldesinen de qymbat boldy.
Aldaǵy ýaqytta da kók týdy abyroımen kóteretin talaı sańlaq shyǵatynyna men kámil senimdimin. Elimiz tynysh, Táýelsizdigimiz baıandy bolsyn!
Ermahan YBYRAIYMOV,
Sıdneı Olımpıadasynyń chempıony