Búgin Májilistiń jalpy otyrysynda «Janýarlarǵa jaýapkershilikpen qaraý týraly» zańǵa engiziletin túzetýler qaraldy. Zań jobasyn talqylaý kezinde depýtat Edil Jańbyrshın eger de qojaıyny bar ıt adam ómirine, densaýlyǵyna nemese múlkine zııan keltiretin bolsa, oǵan jaýapkershilik qarastyrylatyn norma engizilgenin aıtty, dep jazady Egemen.kz.
«It adamǵa ortasha aýyr deńgeıde zaqym keltiretin bolsa, qojaıyny oǵan evtanazııa jasaýy kerek. Eger de jańa aıtylǵan jaǵdaılar týyndaıtyn bolsa, jeke tulǵaǵa – 100 aılyq eseptik kórsetkish, laýazymdy tulǵaǵa – 200-300 aılyq eseptik kórsetkish kóleminde aıyppul qarastyrylǵan», dedi depýtat.
Al depýtat Temir Qyryqbaev ıtterdi chıpteý máselesine toqtalyp, ol áreket zań júzinde qalaı baqylanatynyn surady. О́z kezeginde Edil Jańbyrshın úı janýarynyń tirkelgenin tekseretin norma daıyndalǵanyn habarlady.
Qazaqstanda ár saǵat saıyn bes adamdy ıt qabady
«Ishki ister mınıstrligimen jáne jergilikti polısııa qyzmetimen aqyldasyp, jergilikti polısııa ár úıdegi úı janýarynyń tirkelgenin tekseretin norma daıyndadyq. Eger janýarda chıp bolmasa, onda zańǵa sáıkes ıesine bir aı ýaqyt beriledi. Bir aıdyń ishinde qaıta kelip tekseredi, eger taǵy da bolmasa, onda aıyppul salynady. Úshinshi ret qaıtalansa, onda konfıskasııalanady. Osylaısha biz bir jaǵynan jaýapkershilikti, ekinshi jaǵynan baqylaý men monıtorıngti kúsheıtip jatyrmyz», dedi Edil Jańbyrshın.