Májilis ekinshi oqylymda «Qazaqstan Respýblıkasynyń memlekettik qyzmeti týraly» zańdy jańa redaksııada, ilespe túzetýlermen qabyldady. Qujattar Memleket basshysynyń memlekettik qyzmet júıesin odan ári jetildirý jónindegi tapsyrmalaryn oryndaý maqsatynda ázirlengen, dep jazady Egemen.kz.
Zańda memlekettik qyzmetshilerge jáne olardyń laýazymdyq mindetterine qoıylatyn talaptar aıqyndaldy. Olardyń ishinde patrıotızm, kásibılik, ashyqtyq, ádeptilik, minsiz bedel jáne quqyq buzýshylyqtar men múddeler qaqtyǵysyna tózbeýshilik qamtylady. Budan basqa, memlekettik apparatty kásibılendirý kózdeledi. Ol úshin memlekettik qyzmetke túsýge daıyndyq ınstıtýty engiziledi. HR-prosesterdi sıfrlandyrý úshin úmitkerlerdi tolyǵymen sıfrlyq formatta «E-qyzmet» aqparattyq júıesi arqyly irikteý josparlanǵan.
Memlekettik qyzmetke irikteý: 1 sáýirden bastap ótinishter onlaın qabyldanady
Bul rette jańarǵan zańda memlekettik qyzmettiń tartymdylyǵyn arttyrý, bilikti kadrlardy tartýǵa jáne ustap qalýǵa baǵyttalǵan normalar kózdelgen. Osylaısha, úsh jylda keminde bir ret jalaqyny ındeksteý tetigi belgilenedi. Ústeme jumys ýaqytynda, demalys jáne mereke kúnderi jumys istegeni úshin ótemaqy tóleý, jeńildetilgen turǵyn úı baǵdarlamalaryna qatysý úshin jaǵdaı jasaý jáne basqa da sharalar qarastyrylǵan. Jumys ýaqytynyń rejımi de retteledi. Atap aıtqanda, qalypty jumys uzaqtyǵy aptasyna 40 saǵattan aspaýy kerek, al keı sanattaǵy qyzmetshiler úshin jumys ýaqyty qysqarady.
JI jáne memlekettik qyzmetter: AlemGPT servısiniń múmkindikteri qandaı?