Qazaqstanda Kongo-Qyrym gemorragııalyq qyzbasynyń (KQGQ) taralý qaýpi áli de saqtalyp otyr. Bul – ıksod keneleriniń shaǵýy nemese juqtyrylǵan janýarlardyń qanymen baılanys arqyly beriletin jedel vırýsty ári asa qaýipti aýrý, dep habarlaıdy Egemen.kz.
Qaýip tobyna mal sharýashylyǵynda eńbek etetin azamattar, endemııalyq óńir turǵyndary jáne naýqastarmen tikeleı baılanysta bolatyn medısına qyzmetkerleri kiredi. Bul top ókilderi aýrý juqtyrý qaýpine kóbirek ushyraıdy.
Mamandardyń aıtýynsha, aýrýdyń ınkýbasııalyq kezeńi 2-14 kún aralyǵynda ótedi. Alǵashqy belgileri – 39-40 °C deıingi joǵary temperatýra, bas aýrýy, qaltyraý, bulshyqet pen býyndardyń syrqyraýy. Keıingi kezeńderde qan ketý belgileri paıda bolýy múmkin.
Dárigerler der kezinde medısınalyq kómek kórsetilmese, aýrýdyń ólimge ákelýi yqtımal ekenin eskertedi.
Kene ensefalıtinen qalaı qorǵaný kerek?
Mamandar aldyn alý sharalaryn qatań saqtaýdyń mańyzyn atap ótedi. Atap aıtqanda, tabıǵatta bolǵanda repellent qoldaný, deneni kenege únemi tekserý, qorǵanysh kıim kııý jáne maldy arnaıy óńdeýden ótkizý usynylady.
«Kene shaqqan jaǵdaıda óz betinshe áreket etpeı, dereý medısınalyq kómekke júginý qajet», delingen resmı habarlamada.