Astanada Esil aýdanyndaǵy Buqar Jyraý kóshesinde ornalasqan on eki qabatty turǵyn úıden órt shyqty, dep habarlaıdy Egemen.kz.
Tótenshe jaǵdaılar mınıstrliginiń alǵashqy bólimsheleri oqıǵa ornyna jetken sátte, 12 qabatty úıdiń 7-qabatyndaǵy páterden qoıý tútin shyǵyp jatqany anyqtaldy. О́rt sóndirýshiler dereý órt oqpandaryn berip, jalyndy aýyzdyqtaý úshin barlyq qajetti sharalardy qabyldady. Sondaı-aq sýdyń úzdiksiz berilýi qamtamasyz etildi.
Shymkentte plastık buıymdaryn shyǵaratyn sehtan órt shyqty
Qutqarý jumystary barysynda TJM kúshteri joǵary qabattarda ornalasqan 10 turǵyndy qaýipsiz jerge evakýasııalady. Naqtylanǵan málimetterge sáıkes, páterdiń as úıinde turmystyq tehnıka, úı zattary men jıhazdar órtengen.
Qazirgi ýaqytta oqıǵanyń mán-jaıy anyqtalyp jatyr. «112» qutqarý qyzmetine zardap shekkender týraly aqparat túsken joq.
Eske sala keteıik, osydan birer kún buryn Ázerbaev kóshesinde ornalasqan 10 qabatty turǵyn úıden órt shyqqanyn jazǵan edik.