Memlekettik qyzmetke kir keltiretin qylyqtardyń tizbesi zań júzinde keńeıtildi. Qabyldanǵan zań memlekettik qyzmetshilerdiń quqyqtyq kepildikterin jetildiredi. Onyń ishinde jaýapkershilikti jeńildetetin jáne aýyrlatatyn mán-jaılardy qosa alǵanda, tártiptik jaýapkershiliktiń ıkemdi tásilderi men negizderi belgilenedi, jaýapkershilikti boldyrmaıtyn mán-jaılar bekitiledi, dep jazady Egemen.kz.
Sondaı-aq memlekettik qyzmetker jasaǵan teris qylyqtyń aýyrlyǵyn, adamnyń kinásin eskere otyryp, tártiptik jaza qoldanýdyń eki aıdan alty aıǵa deıingi saralanǵan merzimderi belgilenedi, sondaı-aq olardy merziminen buryn alyp tastaý qarastyrylady.
Memlekettik qyzmetshilerdiń kásibı qyzmetine zańsyz aralasýdan, negizsiz aıyptaýlardan jáne ózge de quqyqqa qaıshy áreketterden qorǵaýǵa kepildik beriledi.
Memlekettik qyzmetke irikteý: 1 sáýirden bastap ótinishter onlaın qabyldanady
Jańa redaksııada Memlekettik qyzmetke kir keltiretin, onyń ishinde laýazymdyq ókilettikterin oryndaýǵa baılanysty emes, biraq memlekettik qyzmettiń qadir-qasıeti men bedeline nuqsan keltiretin teris qylyqtar zań turǵysynan aıqyndalady. Olardyń qatarynda esirtkilik jáne psıhotroptyq zattardy, prekýrsorlardy medısınalyq emes maqsatta tutyný, sondaı-aq kólikti alkogoldik, esirtkilik nemese ýytqumarlyq mas kúıde basqarý bar. Osyǵan baılanysty memlekettik qyzmetshilerdi medısınalyq kýálandyrýǵa qoıylatyn talaptar belgilenedi.
JI jáne memlekettik qyzmetter: AlemGPT servısiniń múmkindikteri qandaı?
Memlekettik qyzmetke kir keltiretin tártiptik teris qylyq jasalǵanda, qyzmettik ádep normalary buzylǵan kezde tártiptik jaýapqa tartý týraly máseleni qaraý úshin memlekettik qyzmetshilerdi olardyń kelisiminsiz oqý demalysynan keri qaıtaryp alýǵa bolady.
Sonymen qatar, memlekettik qyzmetshiler ózderin qumar oıyndarǵa qatysýdan shekteýge mindetteledi.