Táýelsizdik merekesi qarsańynda Aqmola oblysy Stepnogor qalasyndaǵy 4-shaǵyn aýdanynan kóp fýnksııaly sport alańy ashyldy. Saltanatty ashylý rásimine Stepnogor qalasynyń ákimi Erkebulan Baıahmetov qatysty.
Shymyrlyqqa baýlıtyn alańnyń ashylýy «Meniń elim» áleýmettik ınvestısııalar baǵdarlamasy boıynsha «Mamuryq-Qazyna» AQ kompanııalar toby kómegimen júzege asyp otyr.
Salaýatty ómir saltyn qalyptastyrý elimizdi, sonyń ishinde bizdiń qalada da keń órken jaıýda.
Alańnyń ashylý rásiminde sóz sóılegen qala basshysy Elbasymyz N.Á.Nazarbaevtyń alǵa qoıyp otyrǵan josparlaryn júzege asyrýdyń mańyzyna toqtalyp ótti. Bizdiń qalada buqaralyq sportpen shuǵyldanýshylar qatary artyp, ol 33,5 paıyzǵa jetip otyr. 10 myńnan astam jastar men jasóspirimder sportpen dostasa túsýde.
Alańda fýtbol, hokkeı, túrli jattyǵýlar syndy sport túrlerimen aınalysýǵa múmkindikter jaratylǵan. №4 GM aýmaǵynda ornalasqan alańda jyldyń tórt maýsymynda da shymyrlyqqa baýlý qolǵa alynady. 1280 sharshy metr aýmaqty alyp jatqan alań óte yńǵaıly.
Án qalyqtap, shashý shashyldy. Balalar men sportshylar sport alańynda jattyǵa bastady. Munyń ózi salaýatty ómir saltyn qalyptastyrýǵa septigin tıgizeri sózsiz. Jınalǵan jurtty «Samuryq-qazyna» AQ ókili Ámirhan Qaınazarov ta quttyqtady.
Polatbek JANBAEV,
Aqmola oblysynyń Stepnogorsk qalasy