Túrkistan oblysynyń ákimi Janseıit Túımebaev Tatarstannyń Qazaqstandaǵy О́kiletti ýákili Denıs Valeevpen jáne Qazaqstan Respýblıkasynyń Reseı Federasııasyndaǵy Saýda ókildigi, saýda ókiliniń orynbasary Erken Jakataevpen kezdesti.
Tatar eliniń beldi kásipkerler tobyn bastap kelgen azamattarǵa, alǵysyn bildirgen óńir basshysy ónerkásip, saýda-ekonomıkalyq, ınvestısııalyq, sonymen birge, turǵyn úı-kommýnaldy sharýashylyǵy, týrızm, transport jáne qaýipsizdik salalaryna IT-tehnologııa júıelerin engizýde áriptestik ornatýǵa oblys yntaly ekenin aıtty. Sondaı-aq Túrkistan men Tatarstan astanasy Qazan qalasyn baýyrlas qalalarǵa aınaldyrý jóninde usynysyn jetkizdi. О́z kezeginde, Tatarstannyń Qazaqstandaǵy О́kiletti ýákili D.Valeev Túrkistan oblysymen kóptegen salalarda yntymaqtastyq ornatýǵa daıyn ekendikterin, baýyrlas ulttardyń rýhanı baılanysy da bekı túsetinin aıtyp ótti.
Kezdesý nátıjesinde, Túrkistan oblysynyń ákimdigi men Tatarstannyń «BARS Grýp» AQ arasynda ınnovasııalyq aqparattyq tehnologııalar jáne sıfrlandyrý salasynda yntymaqtastyq memorandýmy túzildi. Atalǵan qujatta elektrondy memlekettik qyzmet kórsetýde ınnovasııalyq aqparattyq tehnologııalardy damytý máseleleri qamtylǵan. Aıta ketelik, mashına qurastyrý, munaıhımııa, áskerı-tehnıkalyq, kólik-logıstıkalyq salalary aıasynda kásipkerler áriptestik ornatyp kele jatqan Qazaqstan men Tatarstan arasyndaǵy saýda aınalymy 2017 jyly 700 mln. AQSh dollary bolyp, aldyńǵy jylmen salystyrǵanda 1,7 esege ósken.
Ǵalymjan ELShIBAI,
«Egemen Qazaqstan»
Túrkistan oblysy