Almaty – Taldyqorǵan tas jolynyń boıynda dańqty batyr О́tegen О́teǵululynyń eskertkishi ashyldy. Ile aýdanynyń kireberis qapasy bolyp sanalatyn aýmaqqa qoıylǵan at ústindegi batyr beınesin músinshi Baqytbek Muhamedjan qoldan quıyp jasapty.
Uly dala tarıhynda Múıizdi О́tegen atymen máńgilikke qalǵan batyr 15 jasynan qolyna naıza alyp, jońǵar shapqynshylyǵyna qarsy soǵysqa qatysady. Kindik qany 1699 jyly qazirgi Jambyl oblysy Shý ózeniniń boıyndaǵy Izendi topyraǵyna tamǵan О́tegen batyrdyń aqtyq demi 1773 jyly búgingi Qapshaǵaı kóli mańyndaǵy Sheńgeldi óńirinde úzilgen eken. Batyrdyń erligin arǵydaǵy Kúsep, Súıinbaı, Álmeıin, Sarbas, Jambyl jyraýlar men bergidegi Kenen aqyn jyrǵa qosyp, erlik dastanyna arqaý etken. Búginde eskertkish qoıylǵan Ile aýdanynyń ortalyǵy osy О́tegen batyr atynda.
- Aýyzdyqpen alysqan tulparǵa mingen batyr beıbitshilikti beıneleıdi. Joryqtan jeńip qaıtqan batyr ıyǵyna aldynan qýana júgirip shyqqan balany otyrǵyzǵan. Balanyń alaqanynda boztorǵaı bar. Bul qazirgi beıbit ómirdiń kórinisi ispetti, - deıdi eskertkish avtory, músinshi Baqytbek Muhamedjan.
Almatydan Taldyqorǵanǵa qaraı bet alǵan jolaýshylardyń nazaryn baýraıtyn eskertkishti batyr urpaqtarynyń jeke qarjysyna jasalǵan eken. Bıiktigi 5 jarym metr, eni 2 jarym metirge jetetin tas músinin 4 metrlik tuǵyrǵa qonǵannan keıin aıbarlana túskendeı.
Qalmahanbet MUQAMETQALI,
«Egemen Qazaqstan»
Almaty oblysy