Qazaqbaı Ájibekuly – halyqtyń mádenı tutastyǵyn pash etýge tyrysyp, aqıqat tarıhty jazatyn, eńbekteri bizge ótken shaqtyń belgilerin eske salatyn, osy shaqta ómir súretin jáne baǵdar beretin sýretshi. Onyń obrazdy áleminde óz halqynyń rýhynyń ulylyǵy, shyǵarmashylyǵynda tabıǵattaǵy, ańyzdardaǵy, dástúrlerdegi, mýzykasy men poezııasyndaǵy dalanyń barlyq mádenı tarıhy kórinis tabady.
Qazaqbaı Ájibekuly – halyqtyń mádenı tutastyǵyn pash etýge tyrysyp, aqıqat tarıhty jazatyn, eńbekteri bizge ótken shaqtyń belgilerin eske salatyn, osy shaqta ómir súretin jáne baǵdar beretin sýretshi. Onyń obrazdy áleminde óz halqynyń rýhynyń ulylyǵy, shyǵarmashylyǵynda tabıǵattaǵy, ańyzdardaǵy, dástúrlerdegi, mýzykasy men poezııasyndaǵy dalanyń barlyq mádenı tarıhy kórinis tabady.
«Qazirgideı qubylmaly zamanda, táýelsiz Qazaqstannyń mádenıetiniń ulttyq ıdeıasyn qalyptastyrýda mańyzdy ról atqaratyn máńgilik qundylyqtarǵa mán bergen durys» dep sanaıtyn onyń peızajdarynda Otan taqyryby alyp kúsh-qýatqa toly.Qazaqbaı Ájibekulynyń árbir shyǵarmasynda sýretshiniń ǵana emes, árbir qazaqtyń jany bar. Onyń «Altyn dala», «Qyz Jibek», «Sary Arqa», «Kóshpendiler», «Quryltaı», «Qosh», «Atamura», «Kobyzshy» shyǵarmalary eshkimdi, ásirese, qazaq azamatyn nemquraıly qaldyrǵan emes.Q. Ájibekuly týdyrǵan keskindemelik beıneler, baıyrǵy zamandarda bolǵanmen, onyń shyǵarmalarynda ómirsheńdigin dáleldep otyrady. Al onyń týyndylarynyń bar baılyǵy bolyp keletin áıelderdiń áshekeı zattary, kıimderi, kilemder, kıiz úı jabdyqtary tek qana turmystyq zattar emes. Olar kóshpendilerdiń álem qurylysy jónindegi túsinikteriniń úılesimdiligi. Ol arǵy ata-babalarymyzdyń álemtanýdaǵy sezim-túsinikterine boı berýmen birge, óz shyǵarmalary arqyly joǵalyp ketken alǵashqy móldir sezimderdi, tazalyqty, danalyqty izdeıdi.Onyń jumystary Á.Qasteev atyndaǵy Memlekettik beıneleý óneri mýzeıinde, QR Tuńǵysh Prezıdentiniń mýzeıinde, «Aqorda» Prezıdent rezıdensııasynda, G.Aıtıev atyndaǵy Qyrǵyz ulttyq beıneleý óneri mýzeıinde jáne túrli elderdegi jeke kolleksııalarda saqtalǵan.
Láıla Edilqyzy,«Egemen Qazaqstan».