Reseıdiń Magnıtogorsk qalasyndaǵy turǵyn úıdegi jarylystan qaza tapqandardyń sany artty. Eki kún ishinde qırandylardyń astynan 14 adamnyń denesi tabyldy. Taǵy 30-dan astam turǵynnyń taǵdyry áli belgisiz.
Tótenshe jaǵdaılar mınıstrligi «100-den astam qutqarýshy tartylǵanymen, qırandylardy arshý jumysy birneshe kúnge jalǵasady» dep málimdegen. Apatty jaǵdaıdaǵy úıdiń qalǵan qabyrǵalary qulap ketpes úshin aýyr tehnıkalar qoldanylyp jatqan joq. Esterińizge salsaq, Magnıtogorskide jeltoqsannyń 31-inde tańǵy saǵat 4-tiń shamasynda 9 qabatty úıde turmystyq gaz jaryldy. Saldarynan 26 páterlik tutas bir podezd opyrylyp ortasyna tústi. Atalǵan páterlerde 46 adam turǵan. Osy is boıynsha tergeý amaldary júrgizilýde. Aldyn ala boljamǵa sáıkes, turmystyq gazdy qoldanýda saqtyq erejesi óreskel buzylǵan.