2019 jyly Qazaqstan halqy 119 kún demalady, dep habarlaıdy QazAqparat tilshisi.
Qazaqstandyqtar eń kóp demalatyn kúnder naýryz aıynda - 14 kún, al jeltoqsanda 12 kún demalatyn bolady. Mamyr men qańtarda el turǵyndary - 11 kún, maýsym men tamyzda - 10 kúnnen, shilde, qyrkúıek jáne qarashada - 9 kúnnen, aqpan, sáýir jáne qazanda - 8 kúnnen demalady.
QR «Qazaqstan Respýblıkasyndaǵy mereke kúnderi týraly» Zańyna sáıkes, Qazaqstan Respýblıkasynda ulttyq jáne memlekettik mereke atap ótiletin kúnder eldiń eńbek zańnamasyna sáıkes merekelik kúnder bolyp sanalady.
Eske sala keteıik, Qazaqstan Respýblıkasyndaǵy memlekettik merekeler myna kúnderi atap ótiledi:
Jańa jyl - 1-2 qańtar;
Halyqaralyq áıelder kúni - 8 naýryz;
Naýryz meıramy - 21-23 naýryz;
Qazaqstan halqynyń birligi merekesi - 1 mamyr;
Otan qorǵaýshylar kúni - 7 mamyr;
Jeńis kúni - 9 mamyr;
Astana kúni - 6 shilde;
Qazaqstan Respýblıkasy Konstıtýsııa kúni - 30 tamyz;
Qazaqstan Respýblıkasy Tuńǵysh Prezıdenti kúni - 1 jeltoqsan;
Ulttyq mereke: Táýelsizdik kúni - 16-17 jeltoqsan.
Qazaqstan Respýblıkasynda mereke kúnderi halyq demalady. Mereke kúnderi demalys kúnderine (senbi, jeksenbi) tússe, merekeden keıingi kún jumys kúni bolyp sanalady. Osylaısha, 2019 jyly beskúndik jumys aptasyndaǵy demalys kúnderi:
23 naýryzdan 25 naýryzǵa;
6 shildeden 8 shildege;
1 jeltoqsannan 2 jeltoqsanǵa;
Altykúndik jumys aptasynda:
1 jeltoqsannan 2 jeltoqsanǵa aýystyrylady.
Budan bólek, musylman kúntizbesi boıynsha atap ótiletin Qurban aıt merekesiniń birinshi kúni, 7 qańtar - pravoslavıelik Rojdestvo demalys kúnderi bolyp sanalady. 2019 jyly Qurban aıttyń birinshi kúni 11 tamyz kúni atap ótiledi.