2019 jyldan bastap 1-synyp oqýshylaryna ınformatıka páni oqytylady, dep habarlaıdy QazAqparat tilshisi.
«2017-2019 jyldary barlyq mektepti keń jolaqty ınternetke tegin qosýǵa qarjy qarastyrylǵan. Bul rette keıbir óńirlerde mektepterdiń kabeldik ınternetke qosylmaýyna baılanysty 2017 jyly 2756 mektep, 2018 jyly 460 mektep spýtnık baılanysy arqyly ınternetpen qamtamasyz etildi. Bilim berýdi sıfrlandyrý aıasynda mektepterdiń 95 paıyzy ınternetke qosylatyn bolady», - dep aıtqan bolatyn Bilim jáne ǵylym vıse-mınıstri Elmıra Sýhanberdıeva.
Onyń sózine qaraǵanda, Oqýshylar saraılary men 3 myń mektepte robototehnıka boıynsha elektıvti kýrstar engizildi. Robototehnıka kabınetterin jabdyqtaý boıynsha sharalar qabyldanyp jatyr.
Eske sala keteıik, 2018 jyly ınformatıka páni 3-synyptan bastaldy. «Sıfrlyq Qazaqstan» baǵdarlamasy aıasynda ınformatıka sabaǵy 2019 jyldan bastap 1-synyptan oqytylady. Olardyń baǵdarlamasy daıyndalyp jatyr. Sonymen qatar barlyq óńirde 21 IT-lıseı ashyldy»,- dedi Elmıra Sýhanberdıeva.
Budan buryn habarlanǵandaı, QR Bilim jáne ǵylym mınıstri Erlan Saǵadıev ınformatıka sabaǵy 1-2-synyptardan bastap engiziletinin aıtqan edi.