Almaty oblysynyń Panfılov aýdanyna qarasty Jarkent kópsalaly kolledjindegi bilimgerdi soqqyǵa jyǵýǵa baılanysty bilim departementinde arnaıy top qurylyp, is barysyn zertteý úshin oqıǵa orynyna jiberilgen.
Buǵan deıin áleýmettik jelide taralǵan beınejazbada osy kolledjdiń dene shynyqtyrý pániniń muǵalimi stýdentti soqqynyń astyna alyp jatqany beınelegen bolatyn. Jelidegi beınekórinistegi oqıǵa 10 qańtarda, kezekti sabaq ústinde oryn alǵany anyqtaldy. Qazir bilimgerge qol kótergen muǵalim jumystan shettelip, aýdandyq ishki ister bólimine túsinik berý úshin shaqyrtyldy. Aldaǵy ýaqytta qol kóterý faktisne quqytyq baǵa berilip, tıisti shara qabyldanatyn bolady.
Qalmahanbet MUQAMETQALI,
«Egemen Qazaqstan»
Almaty oblysy