Álemdik avto óndirýshiler elektr kólikterine 300 mıllıard dollar qarjy bólýdi josparlap otyr. Reuters agenttigi júrgizgen zertteýge súıensek, avto naryqtaǵy ınvestısııanyń 45 paıyzy Qytaıǵa quıylady eken.
Avto óndirýshiler aldaǵy 5-10 jylda akkýmýlıatorlar men elektromobılderdi daıyndaýǵa jáne satyp alýǵa qomaqty aqsha bóledi. Alpaýyt kompanııalardyń mundaı qadamǵa barýy qorshaǵan ortany qorǵaý máselelerine, memlekettik saıasatqa baılanysty. Sondaı-aq akkýmýlıatorlardyń quny azaıyp, tehnologııanyń kúrt damýy osyndaı qadamǵa sebep bolyp otyr.
Reuters keltirgen derekterge súıensek, elektr kólikterine kóp qarjy bolǵan germanııalyq Volkswagen kompanııasy eken. Olar 91 mıllıard dollar ınvestısııa jasaýdy kózdep otyr. Salystyrmaly túrde aıtatyn bolsaq, bul – Egıpet pen Chılıdiń ekonomıkasynan kóp.
Elektr avtomobıl naryǵyna bólinetin qarjynyń 135 mıllıon dollary Qytaıǵa salynady. «Aspan asty elinde» úkimet bekitken kvotalar, nesıeler men yntalandyrý júıesine ıek artqan. Sondyqtan, Qytaıdaǵy negizgi avto óndirýshilerdiń jumsaıtyn qarajaty Volkswagen, General Motors sekildi kompanııalarmen teńesýi múmkin.
Volkswagen / Audi / Porsche/Germanııa
2018 jyldyń jeltoqsanynda VW 2025 jylǵa deıin elektromobıl salasyndaǵy bastamalarǵa 34 mıllıard dollar jáne akkýmýlıator satyp alýǵa 57 mıllıard dollar jumsaýdy josparlaǵanyn jarııalady. Ol 2025 jylǵa qaraı Audi-ge arnalǵan elektrlendirilgen 12 modelmen qosa,50 akkýmýlıatorlyq jáne 30 gıbrıdtik modeldi tanystyrýdy josparlap otyr.
VW kompanııasy 2022 jylǵa qaraı SAIC, FAW jáne JAC sııaqty qytaılyq áriptesterimen birge elektrli avtomobılderdi óndirýge 17 mıllıard dollar bóledi.
Daimler (Mercedes / Smart)/Germanııa
Daimler 2030 jylǵa qaraı gıbrıdter men otyn elementterin qosa alǵanda 130 elektromobıldi tanystyrýdy, sondaı-aq akkýmýlıatorlar úshin 30 mıllıard dollar bólýdi josparlap otyr.Ol BAIC-pen birge Qytaıǵa 1,9 mıllıard dollar qarjy bólip, Qytaıda Smart EVs jasaý úshin BJEV-men kelissózder júrgizedi.
Hyundai / Kia/Ońtústik Koreıa
Hyundai jáne Kia-nyń fılıalymen birigip elektr jáne ózdiginen júretin kólik quraldaryn jasaýǵa 5 jyl boıy 20 mıllıard dollar bóledi. 2025 jylǵa qaraıkompanııa 14 taza elektromobıldi, 12 gıbrıdti jáne eki elektr-janarmaı kólikterin shyǵarady. Hyundai janarmaı qozǵaltqyshtaryna 6,7 mıllıard dollar ınvestısııa bóledi, sondaı-aq elektr kólikterdi damytý alańdaryn kúsheıtpek.
Changan/Qytaı
Changan 2025 jylǵa qaraı 21 jańa elektromobıl jáne 12 jańa gıbrıdti shyǵarady. Elektr kólikterge arnalǵan jalpy bıýdjet 15 mıllıard dollardy quraıdy.
Toyota/Japonııa
Toıota 2030 jylǵa deıin batareıalar tehnologııasyna$ 13,5 mlrd ınvestısııa quıady. Onyń elektromobılderdi ázirleýge jáne óndirýge arnalǵanMazda jáne Denso-menortaq kásiporny bar. Toıota 10 elektrlendirilgen modeldi2020 jylǵa qaraı, al barlyq modelderdiń elektrlendirilgen nusqasyn 2025 jylǵa qaraı iske qosýdy josparlap otyr. 2030 jylǵa qaraı búkil álem boıynsha 5,5 mıllıon elektromobıl satylady dep kútilýde.
Ford/AQSh
Olardyń jospary boıynsha, 2022 jylǵa qaraı 24 jańa gıbrıdtik jáne 16 jańa akkýmýlıatorly elektromobıldi iske qosady. Fordtyń Qytaıda 750 mıllıonov dollar turatyn Zotye-men ortaq elektr kóligin shyǵaratyn kásiporny bar.
Qarlyǵash QURAMYS,
«Egemen Qazaqstan»