Keshe ótken ákimdik jıynynda Shymkent qalalyq aqparattandyrý, memlekettik qyzmetter kórsetý jáne arhıvter basqarmasynyń 2018 jylǵy atqarǵan jumystary jóninde esebi tyńdaldy. Byltyr Shymkentte turǵyndarǵa 6,5 mıllıon memlekettik qyzmet kórsetilgen. Onyń ishinde 4,9 mıllıon qyzmet elektrondy túrde júrgizilgen. Bul jóninde atalǵan basqarma basshysynyń mindetin atqarýshy Aınur Iýsýpova baıandady.
«Memlekettik qyzmetterdi avtomattandyrý jáne ońtaılandyrý boıynsha vedomostvoaralyq komıssııa otyrystary ótedi. Nátıjesinde jergilikti atqarýshy organdar tarapynan kórsetiletin 191 memlekettik qyzmettiń 152-in avtomattandyrý jáne ońtaılandyrý josparlanýda. Osy maqsatta ortalyq memlekettik organdarmen 144 Jol kartasy ázirlenip, kelisilýde. Sonymen qosa halyqtyń sıfrlyq saýattylyq deńgeıin arttyrý jumystary qolǵa alynǵan. Eseptik jyly 3500 adam oqytylý josparlanyp, 4406 qala turǵyny 4 baǵyt boıynsha oqytyldy», - dedi Aınur Abdýahasqyzy.
Qazirgi tańda, Shymkent qalasynyń ákimdigi tarapynan 191 memlekettik qyzmet usynylady. Onyń 94-i elektrondy nysanda, al 69 qyzmetti memlekettik korporasııa arqyly alý múmkindigi bar.
Nurshat TО́KEN,
«Egemen Qazaqstan»