Oblystyq bilim berý basqarmasynyń málimetinshe «Ertis daryny» óńirlik qosymsha bilim berý oqý-ádistemelik ortalyǵymen birlese ótkizgen «Aqberen» baıqaýyna óńirdegi 8-11 synyptarynyń 111 oqýshysy qatysty.
Baıqaýdyń maqsaty-daryndy oqýshylardy anyqtaý,olarǵa qoldaý kórsetý. Komanda quramyna 6 oqýshy jáne jetekshi bar. Baıqaý nomınasııalary Sheshendik óner, Kórkemsóz oqý, shyǵarma jazý, ulttyq aspapta oınaý,aqyndar aıtysy, músháıraǵa qatysýy arqyly baǵalanady.
Baıqaýda «Sheshendik ónerlerimen» kózge túsken Múbarak Aıdana Asyǵatuly Shyńǵys, Nyǵmetýlla Kamıla, Hamanaı Ashat, Ametova Adııa, Nyǵmet Aıtolqyn, Jomartov Meıram úzdik atandy.Uıymdastyrýshylardyń aıtýynsha, baıqaý jas urpaqtyń boıyna otanshyldyq pen ulttyq rýhty sińirý, tildi, ádebıetti jete meńgerý maqsatynda ótkizedi.
Jas daryndar arasynan gýmanıtarlyq–estetıkalyq ǵylymdar salasynda kásiptik qyzmetin tańdaýǵa shyǵarmashylyq qabileti joǵary, talantty ónerli balalardy izdep tabý, kásibı baǵdar berý, ulttyq ortany qalyptastyrýǵa jol kórsetip, sheshendik qabiletterine basa den qoıý, tabıǵı tanymdyq qabiletterin aıqyndaý.
Al, Berdmurat Marat, Erǵalı Nazerke, Qaıyrbaeva Aıdana, Muhametjan Arýjan, Ospan Tolqyn, Qunasheva Dilnurlar jaqsy shyǵarma jazdy.Budan keıin oqýshylar múshaıraǵa qatysyp, óleńder oqydy, aıtysqa qatysty. Al, Ahat Ahmedı, Qabıdenov Aldııar, Allajarova Dınara, Arynov Danııal; Serik Beksoltan, Orazbaı Aıgerim, Bákir Dárııa, Zarema Nurgazınovalar dombyra, qobyzda kúı tartyp óz ónerlerin kórsete bildi.
Baıqaý aýdandyq oblystyq, respýblıkalyq kezeńderge bólinedi. Sondyqtan, oblystyq baıqaýdan úzdik shyqqan Aıdana Múbarak, Azamat Bazarbaı, Marlen Orazbaev, Gúlnar Janbolat, Marat Berdimurat, Ahmedı Aha respýblıkalyq baıqaýǵa qatysady.
Farıda BYQAI,
«Egemen Qazaqstan»
PAVLODAR
Sýretti túsirgen Aıqyn Bolathan