Batys Qazaqstan oblysynyń polısııa qyzmetkerleri oblys aýmaǵynda qyzyl balyq pen qara ýyldyryq satyp, taratýmen aınalysyp kelgen uıymdasqan qylmystyq topty ustady.
BQO Polısııa departamenti baspasóz qyzmeti búgin taratqan aqparatqa qaraǵanda, oqıǵa budan bir aı buryn, 2018 jylǵy 11 jeltoqsanda bolǵan. Sol kúni BQO PD Uıymdasqan qylmyspen kúres departamenti qyzmetkerleri arnaıy sanksııa boıynsha shara júrgizip, 2 tonnadan asa qyzyl balyq pen 113 keli ýyldyryq, basqa da zattaı aıǵaqtardy tárkilegen.
Dál qazir tergeý oryndary Qylmystyq kodekstiń 339-baby («О́simdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý») jáne 262-baby («Uıymdasqan top, qylmystyq uıym qurý jáne olarǵa basshylyq etý, sol sııaqty olarǵa qatysý») boıynsha qylmystyq is kóterip, sot aldy tergeý jumystaryn júrgizip jatyr.
Qazbek QUTTYMURATULY,
«Egemen Qazaqstan»
Batys Qazaqstan