Aqmola temirjolshylary kepildendirilgen ýchaskelerdiń uzartý tehnologııasyn qoldanyp, Astana stansııasynyń ótkizý qabiletin jaqsartty. Bul týraly «Qazaqstan temir joly» UK» AQ baspasóz qyzmeti habarlady.
Endi tranzıttik poıyzdar belgilengen pýnktine Astana stansııasyna toqtamaı-aq bara beredi. Poıyzdar Atbasar stansııasynan Ekibastuz-1 stansııasyna deıin (530 km), Ereımentaý stansııasynan Atbasar stansııasyna deıin (369,1 km), Býrabaı kýrortynan Ekibastuz stansııasyna deıin (532 km) barady. Poıyzdardy Ereımentaý jáne Býrabaı kýrorty lokomotıv depolary basqarady.
Buǵan deıin Astana stansııasynda lokomotıv brıgadalaryn, lokomotıvterdi, vagondardy tirkeý-alyp tastaý boıynsha tehnologııalyq operasııalar júrgiziletin edi. Buǵan 1,7 saǵat ketetin.
Kepildendirilgen ýchaskelerge tehnologııalyq uzartý engizilgennen keıin tranzıt vagonynyń turyp qalýy 0,5 saǵatqa qysqaryp, bólimsheler boıynsha jalpy vagondar aınalymy artyp 12,5 saǵatqa jetti.
Tranzıtti poıyzdardy toqtatýsyz ótkizý Astana stansııasynda júk poıyzdaryn jóneltý, qabyldaý boıynsha jumystar júktemesin tómendetti. Tolyqtaı alǵanda bul stansııanyń ótkizý múmkindigin jaqsartty.
Kepildendirilgen ýchaskelerdi uzartý tehnologııasynyń arqasynda vagondar aınalymy ýaqyty kemip, tehnıkalyq jáne ýchaskelik jyldamdyq, lokomotıvterdiń ónimdiligi jaqsardy.
Temirjolshylar tehnologııalardy engizý Júk tasymaly Aqmola bólimshesiniń sapalyq kórsetkishterin jaqsartqandyǵyn jáne negizgi baǵyttarǵa poıyzdardy ótkizý ońtaılandyrylǵandyǵyn atap kórsetýde.