Memleket basshysy Nursultan Nazarbaev Jastar jylynyń ashylý saltanatynda jas ǵalymdardy qoldaýmen aınalysatynyn aıtty.
Sondaı-aq elimizde bilim qoljetimdi bolý keregin aıtyp, jastardy erekshe oılap, belsendi bolýǵa shaqyrdy.
«Qarııalarymyzǵa zeınetaqysyn tóleı almaı jatqan kezeńde jastarymyzdy sheteldegi úzdik ýnıversıtetterge bilim alýǵa jiberdik. Árqaısysyna 30-50 myń AQSh dollary kóleminde shákirtaqy berip otyrdyq. Búginde shetelde oqyp jatqan 14 000 stýdentimiz bar. Olardyń 12000-y qaıtyp kelip, elimizde eńbek etip jatyr. Álemdik standartqa saı Nazarbaev Ýnıversıtetin ashtyq. Onyń túlekteri álemniń úzdik ýnıversıtetterine biliktiligin arttyrýǵa attanady» dedi Elbasy.
Odan bólek jas ǵalymdardyń zertteýlerine qoldaý kórsetetinin atap ótip, oǵan bólinetin qarjy kólemin málimdedi.
«Jas ǵalymdarǵa oılaryn júzege asyrýǵa kómektesýimiz kerek. Osyny jeke ózim qolǵa almaqpyn. Osy oraıda, Úkimetke irgeli jáne qoldanbaly zertteýlerdi qarjylandyrýdy ulǵaıtýdy tapsyramyn. Jas ǵalymdardy qoldaýǵa jyl saıyn 3 mıllıard qarjy bólinsin» dedi Nursultan Nazarbaev.