Almaty oblysynyń mektepterinde IT synyp, coworking-ortalyqtar men robot tehnıkasy kabınetteri kóptep ashylyp jatqanyn únemi jazyp kelemiz. Jalpy, Jetisý jerinde balalarǵa arnalǵan osyndaı oqý ortalyǵynyń sany kóbeıip, aldaǵy 2 jylda 62 IT synyp synyp pen robot tehnıkasyna arnalǵan 19 kabınet iske qosylmaq.
Bul baǵyttaǵy sharalar ortalyqtan alysta oryn tepken aýyl mektepterinde júzege asqany qýantady. Mysalǵa, ótkende ǵana Kegen aýdanyndaǵy mektepte coworking-ortalyq ashylsa, dál sondaı jańa úlgidegi IT synyp jaqynda Ile aýdanynyń Nurǵısa Tilendıev aýylyndaǵy №26 orta mektepte de paıdalanýǵa berildi.
Mekteptegi erekshe oryn retinde balalardyń qyzyǵýshylyǵyn oıatqan synypta balalar sıfrly tehnologııa álemine qadam basyp, robot qurastyrýǵa talaptanady. Olar IT synyptyń ashylýyna kelgen qonaqtarǵa ózderi qurastyrǵan alǵashqy robottaryn da kórsetip úlgerdi.
– Búginde qazirgi zamanǵy IT tehnologııalardy qoldanýmen qatar baǵdarlamalaý negizderin oqytý mektepterde keńinen júrip jatyr. Ásirese, aýyl mektepterine betburys jasap jatyrmyz. Nurǵısa Tilendıev aýylynda ashylǵan IT synypta oqýshylar robototehnıkany tereńdep meńgerip, qarapaıym algorıtmderdi jasaý, baǵdarlamalar men WEB-saıttar, kompıýterlik oıyndar, anımasııalar qurý daǵdylaryn úırený maqsatynda tegin qosymsha sabaqtarǵa qatysa alady, – deıdi Ile aýdandyq aýdandyq bilim bóliminiń basshysy Lázzat Kátkeeva.
Qalmahanbet MUQAMETQALI,
«Egemen Qazaqstan»
Almaty oblysy