Bul týraly О́ńirlik kommýnıkasııalar qyzmetinde Qazaqstan isker áıelderi qaýymdastyǵy Aqtóbe oblystyq fılıaly tóraǵasynyń orynbasary Gúljan Saǵyndyqova málimdedi.
Onyń aıtýynsha, elimizde Tuńǵysh Prezıdenti Qory, Qazaqstannyń isker áıelder qaýymdastyǵy men «Habar» Agenttigi uıymdastyrǵan baıqaý jalǵasýda.
«Qaıyrymdylyq kerýeni» qaıyrymdylyq ıdeıasyn nasıhattaý, belsendi azamattyq bastamany damytý maqsatynda ótkizilip jatyr. Oǵan ózderiniń izgi isterimen áleýmettik, qoǵamdyq máselelerdi sheshýge úles qosyp, ózgelerge úlgi bolyp júrgen jeke jáne zańdy tulǵalar qatysa alady», - dedi spıker.
Oblystyq Ishki saıasat basqarmasy basshysynyń orynbasary Aıbek Kýpenov óńirde qaıyrymdylyq mádenıeti belsendi damyp kele jatqanyn atap ótti.
«Atap aıtqanda, halqymyzdyń salt-dástúriniń rýhanı baılyǵyn nasıhattaıtyn «Atameken-atalar. Asylym – ájeler» aqsaqaldar ansambli aǵymdaǵy jyly barlyq shalǵaı aýyldarǵa konsert qoıady. Bizde «Týǵan jerge taǵzym» aksııasy úshinshi jyl ótkizildi, onyń aıasynda 2,8 mlrd.teńgeni quraıtyn 811 joba júzege asyryldy. Eriktiler qozǵalysy jumys jasaıdy», - dedi aqtóbelikterdi «Qaıyrymdylyq kerýenine» shaqyrǵan Aıbek Kýpenov .
Laýreattar bes nomınasııa boıynsha iriktep alynady dep josparlanyp otyr. «Asar» nomınasııasy boıynsha qaıyrymdylyq qyzmeti halyqtyń salt-dástúrlerimen baılanysty qazaqstandyqtar marapattalady. «Týǵan jer» nomınasııasy boıynsha bilim berý, ekologııa jáne abattandyrý salasynda týǵan ólkesine kómekteskenderdiń esimi atalatyn bolsa, «Batyl júrek» laýreaty bolyp erlik jasaǵan nemese jankeshtilik kórsetken adam marapatqa ıe bolady. Izgi ister jasaıtyndar «Meıirim jolynda» nomınasııasy boıynsha yntalandyrylady. «Qaıyrymdylyq tarıhy» nomınasııasyna BAQ-da jurtshylyqtyń nazaryn áleýmettik máselelerge aýdaratyn, qaıyrymdylyq taqyrybyn jarııalaıtyn jýrnalıst nemese shyǵarmashylyq ujym úmitker bola alady.
Qazaqstannyń barlyq óńirlerinen úmitkerlerdi irikteý 2018 jyldyń qarasha aıynan bastap 2019 jyldyń aqpan aıyna deıin júrgiziledi. Jeńimpazdar alǵys aıtý kúnin merekeleý qarsańynda anyqtalady.