Astanada birinshi kezekte gaz tartylatyn aýdandar belgili boldy. Bul týraly elorda ákiminiń baspasóz qyzmeti habarlady.
«Astanany gazdandyrý jobasy 3 kezekten turady. Birinshi bólikte gaz berý AGRS-1, JEO-1 jáne JEO-3 (sý jylytqysh qazandar jáne mazýt qazandary), sý jylytqysh qazandar AGTS-2 jáne TES-2 (2-shi О́K) júzege asyrylatyn bolady», - dep málimdedi sársenbi kúni otyn-energetıkalyq keshen jáne kommýnaldyq sharýashylyq basqarmasynda.
Ekinshi kezekte Mıchýrıno, Internasıonalnyı, Kúıgenjar jáne Promyshlennyı, Telman, Prıgorodnyı, Garden Village, Family Village turǵyn alaptaryn gaz otynyna aýystyrý josparlanýda. Úshinshi kezekte Ilınka,Shubar, О́ndiris turǵyn alaptary gazdandyrylatyn bolady.
«Osy jyldyń II toqsanynda I kezektegi gaz taratý jelileriniń qurylysy bastalady dep josparlanýda. Qarjylandyrýdyń bólinýine qaraı Kóktal-1,2, Temirjol jáne Ońtústik-Shyǵys turǵyn úı alaptary 2019-2023 jyldar aralyǵynda gazdandyrylmaq. Astanany gazdandyrý respýblıkalyq jáne jergilikti bıýdjet, sondaı-aq jeke ınvestısııalar qarajaty esebinen júzege asyrylǵaly otyr. Qalany gazdandyrý sheńberinde Astana ákimdiginiń quzyretine gaz taratý jelileriniń qurylysy kiredi», - delingen habarlamada.