Aqtaý, Atyraý jáne Aqtóbe garnızondarynyń ekıpajdary, esep toptary men bólimsheleri jaýyngerlik úılesimdilikti bólimshelerdiń jaýyngerlik oq atýlarymen aıaqtady.
«Batys» óńirlik qolbasshylyǵynyń oqý polıgondarynda belsendi jaýyngerlik daıarlyq úrdisi jalǵasýda. Osy kúnderi oqý oryndary men dırektrıssalarda topshalar men bólimsheler is júzinde atys jattyǵýlaryn ótkizdi.
Jaýyngerlik úılesimdilik sheńberinde bólimsheler sholǵyndaǵy, torýyldaǵy bólimshe, shabýyldaý kezindegi top quramynda atyspen qamtamasyz etý kishi toby, izdestirý kezindegi top quramyndaǵy kishi top, sondaı-aq bólimsheler men kishi toptardyń praktıkalyq jaýyngerlik oq atýlary sııaqty oqý suraqtaryn pysyqtady.
Jaýyngerlik oq atýdy júrgizý úshin bólimsheniń barlyq qarý túrlerinen atystyń júrgizilýin kózdeıtin jaǵdaı jasaldy. Bólimshelerdiń jaýyngerlik oq atýlaryn ótkizý taqyryby men ýaqytyn jaýyngerlik daıarlyq baǵdarlamasyn negizge ala otyryp, rota komandırleri aıqyndady. Osy joly oq atýlardyń 30 %-y túngi ýaqytta ótkizildi.
Jaýyngerlik oq atýlardy ótkizý kezinde negizgi nazar birlesken is-qımyldardy júrgizýdegi mamandardyń sheberlikteri men mashyqtaryna aýdaryldy. Bólimshelerdiń jaýyngerlik oq atýy – bul bólimshelerdiń jaýyngerlik úılesimdiligi men atys daǵdysynyń sheshýshi kezeńi bolyp tabylatyn taktıkalyq daıyndyqqa oqytýdyń joǵary úlgisi.
Gúlaıym ShYNTEMIRQYZY,
«Egemen Qazagstan»
Mańǵystaý oblysy