Bıylǵy maýsymdy «Barys» óte sátti ótkizýde. Qurlyqtyq hokkeı lıgasynda (QHL) olar 59 kezdesýden keıin 79 upaı jıyp, besinshi oryndy ıelenýde. Shyǵys konferensııasynda ekinshi satyǵa jaıǵasty. Chernyshev dıvızıonynda kósh bastap tur.
Astanalyq hokkeıshilerdiń basqa da nátıjeleri qýantarlyq. Máselen, óz muz aıdynynda jasaǵan soqqylardyń sany boıynsha QHL-daǵy komandalar arasynan alǵashqy bolyp olar bir myńdyq mejeden asty. Osy kúnge deıin «Barystyń» oıynshylary 1004 ret soqqy jasady. Sonyń 85-i qaqpa torynan tabyldy. Bul – 8,47 paıyzdyq kórsetkishti quraıdy. Jerlesterimizden keıingi oryndarǵa myna klýbtar jaıǵasty: «Avangard» – 974 soqqy (84 gol, 8,62 paıyz), «Lokomotıv» – 932 soqqy (65 gol, 6,97 paıyz), «Torpedo» – 924 soqqy (87 gol, 9,42 paıyz) jáne SKA – 920 soqqy (91 gol, 9,89 paıyz).
«Barystyń» syrttaǵy muz aıdynda jasaǵan soqqylarynyń sany bes komandadan kem bolǵanymen, ónimdiligi jaǵynan olardyń kóshi ózgelerden ilgeri. Atap aıtsaq, túzde astanalyq hokkeıshiler 749 soqqy jasap, 89 gol soqty. Bul – 11,88 paıyzdyq kórsetkishti quraıdy. Iаǵnı, QHL-daǵy eń ozyq nátıje. Odan keıingi oryndarda SKA – 11,06 paıyz (96 gol, 868 soqqy), «Avtomobılıst» – 10,29 paıyz (90 gol, 875 soqqy), SSKA - 9,55 paıyz (80 gol, 838 soqqy) jáne «Torpedo» – 9,45 paıyz (72 gol, 762 soqqy).
Al túzdegi jáne óz aıdynyndaǵy oıyndardy qosa alǵanda soqqylardyń ónimdiligi jaǵynan «Barys» úshinshi orynda tur. Bizdiń jigitter 9,93 paıyzdyq kórsetkishke ıe. Iаǵnı, 1750 soqqynyń 174-i golǵa ulasty. Alymyzda SKA men «Iokerıt». Sankt-Pterebýrgtiń órenderiniń nátıjesi – 10,46 paıyz (187 gol, 1788 soqqy). Fınderdiń mejesi – 10,23 paıyz (175 gol, 1788 soqqy).
Ǵalym SÚLEIMEN,
«Egemen Qazaqstan»