Seısenbi, 4 qyrkúıek 2012 7:34
Elordada sheteldik mamandardyń qatysýymen ótip jatqan Qazaqstan kardıohırýrgteriniń birinshi ulttyq kongresinde otandyq kardıohırýrgııanyń ózekti máseleleri talqylanyp, bul oraıda qol jetken jetistikter de áńgimege arqaý bolýda.
Seısenbi, 4 qyrkúıek 2012 7:34
Elordada sheteldik mamandardyń qatysýymen ótip jatqan Qazaqstan kardıohırýrgteriniń birinshi ulttyq kongresinde otandyq kardıohırýrgııanyń ózekti máseleleri talqylanyp, bul oraıda qol jetken jetistikter de áńgimege arqaý bolýda.
Kongrestiń ashylý saltanatynda sóılegen sózinde Densaýlyq saqtaý vıse-mınıstri Erik Baıjúnisov qazaqstandyq kardıohırýrgterdiń búginde álemdik standarttar deńgeıinde jumys istep, qazirdiń ózinde jasandy júrek qarynshasyn aýystyrý jónindegi biregeı joǵary tehnologııalyq otalardy jasap jatqanyn jáne mundaı kúrdeli ota álemniń 22 elinde iske asatynyn atap kórsetti. Vıse-mınıstr sondaı-aq, tamyz aıynda elimizde alǵash ret júrekti aýystyryp salý otasy oıdaǵydaı júzege asyrylǵanyn habarlady.Kongreste TMD memleketteri úshin memleketaralyq donorlar bankin qurý jáne EýrAzEQ aıasynda memleketaralyq ınternet saıtyn ashý máseleleri kóterildi. Bul TMD-nyń kardıohırýrgteri men kardıologtarynyń yntymaqtastyǵyn nyǵaıtýǵa jol ashpaq.Otandyq kardıohırýrgııany damytý, shetelderden kelgen bilikti mamandarmen tájirıbe almasý maqsatynda ótkizilip otyrǵan bul jıynnyń elimizdiń kardıohırýrgııa salasy úshin mańyzy zor bolmaq. Álemniń jetekshi elderiniń tájirıbelerin qoldana otyryp, ota jasaýdy qolǵa alǵan otandyq mamandarymyz qazirdiń ózinde jemisti eńbek etýde. Oǵan elimizde halyqqa kardıohırýrgııalyq kómek kórsetetin júıeniń bar ekeni jáne onyń qanaǵattanarlyq deńgeıde jumys istep turǵany dálel. Kardıohırýrgııalyq uıymdar qurylymyna Syzǵanov atyndaǵy Ulttyq ǵylymı hırýrgııa ortalyǵy, Ulttyq ǵylymı medısına ortalyǵy, Ulttyq ǵylymıkardıohırýrgııalyq ortalyq, Kardıologııa jáne ishki aýrýlar ǵylymı-zertteý ınstıtýty, Ulttyq pedıatrııa jáne balalar hırýrgııasy ortalyǵy, 10 aımaqtyq kardıoortalyqtar jáne elimizdiń 10 aımaǵyndaǵy kóp beıindi aýrýhanalar janyndaǵy 11 bólimshe kiredi. Sondaı-aq, jaqyn kúnderde Pavlodar qalasynda kardıohırýrgııalyq ortalyq ashylyp, halyqqa qyzmet kórsete bastaıdy.Resmı derekter boıynsha elimizde júrek qan tamyrlary aýrýlarymen aýyratyn adamdardyń sany 1 mıllıon bolsa, jyl saıyn shamamen 16 myńǵa jýyq adam kardıohırýrgııalyq otaǵa muqtaj. Sondyqtan respýblıkamyzda kardıologııalyq jáne kardıohırýrgııalyq kómektiń qurylýyna zor kóńil bólinip otyr. Búginde «Salamatty Qazaqstan» densaýlyqty saqtaý men damytýdyń memlekettik baǵdarlamasynyń sheńberinde medısınanyń osy baǵytyn jetildirý boıynsha úlken jumystar atqarylýda. Sonyń eń bir negizgisi – Ulttyq medısınalyq holdıng bazasynda Ulttyq ǵylymı kardıohırýrgııalyq ortalyqtyń qurylýy. Byltyr ǵana óz jumysyn bastaǵan ortalyqta osy ýaqytqa sheıin 5 myńnan asa adamǵa ota jasaldy. Búgingi tańda bul klınıka Ortalyq Azııa óńirindegi álemdik sapa standarttaryna jaýap beretin aldyńǵy qatarly kardıohırýrgııalyq ortalyq ataǵyn aldy. Sondyqtan júrek dertin emdeý barysyndaǵy ımplantasııalyq, transplantasııalyq alǵashqy otalardyń osynda jasalýy kezdeısoqtyq emes.Jıyn barysynda kardıologııanyń, kardıohırýrgııanyń, ıntervensııalyq kardıologııanyń, arıtmologııanyń, ıadrolyq medısınanyń jáne bıbilik istiń negizgi baǵyttary boıynsha plenarlyq otyrystar ótkizildi. Buǵan V.Dembıtskıı (AQSh), Iа.Gýmmert (Germanııa), Iа.Pırk (Cheh Respýblıkasy), S.Joshybaev (Qazaqstan) syndy iri kardıohırýrg mamandar jetekshilik etti. Taǵy bir aıta ketetin nárse, kongress áli aıaqtalǵan joq. Onyń jumysy 6 qyrkúıekke deıin jalǵasyp, kongress sheńberinde elordadaǵy jańadan ashylǵan UǴKO bazasynda Eýropalyq kardıo-trokaldi hırýrgııa qaýymdastyǵynyń (EACTS) kómegimen sheberlik synyptary uıymdastyrylady.
Aıgúl SEIILOVA,«Egemen Qazaqstan».