Dúısenbi, 12 naýryz 2012 7:59
Astanadaǵy «Ulttyq medısınalyq holdıng» klınıkasy – «Ana men bala» ulttyq ǵylymı ortalyǵy» – keńestik dáýirden keıingi keńistiktegi jáne Shyǵys Eýropa elderi arasynda birinshi bolyp JCI halyqaralyq akkredıtasııasyna – aýrýhanalyq basqarý salasyndaǵy altyn sapa standartyna ıe boldy. Dúnıe júzinde bul halyqaralyq uıymnyń akkredıtasııasyn alǵan shamamen 300-ge tarta medısınalyq mekemeler bar eken.
Dúısenbi, 12 naýryz 2012 7:59
Astanadaǵy «Ulttyq medısınalyq holdıng» klınıkasy – «Ana men bala» ulttyq ǵylymı ortalyǵy» – keńestik dáýirden keıingi keńistiktegi jáne Shyǵys Eýropa elderi arasynda birinshi bolyp JCI halyqaralyq akkredıtasııasyna – aýrýhanalyq basqarý salasyndaǵy altyn sapa standartyna ıe boldy. Dúnıe júzinde bul halyqaralyq uıymnyń akkredıtasııasyn alǵan shamamen 300-ge tarta medısınalyq mekemeler bar eken.
«Ana men bala ulttyq ǵylymı ortalyǵynyń» bul halyqaralyq akkredıtasııaǵa daıyndyq sharalary 2009 jyldan bastalǵan bolsa, sodan beri klınıka deńgeıin medısınalyq kómek kórsetýdiń jáne pasıent qaýipsizdigin qamtamasyz etýdiń halyqaralyq standarttaryna saı keltirý maqsatynda kóp jumys jasalǵan. Halyqaralyq sarapshylar jyl saıyn klınıkadaǵy áriptesterimen birge daıyndyq jumystarynyń ár kezeńinde júrgizilip jatqan is-sharalardyń tıimdiligin baǵalap, odan ári jetildirý josparyna óz túzetýlerin engizip otyrǵan. Halyqaralyq akkredıtasııaǵa daıyndaý barysynda komıssııanyń keńesshileri klınıkada sapanyń 1200 ólshemi boıynsha baǵalanatyn 329 álemdik standarttyń jáne densaýlyq saqtaý salasyndaǵy kóshbasshylyqtyń saqtalýyna asa kóńil bólgen. Osyndaı halyqaralyq akkredıtasııadan «Ulttyq medısınalyq holdıngtiń» bes klınıkasy ótedi dep josparlanyp otyr, al bul Nazarbaev Ýnıversıtetiniń medısına mektebiniń klınıkalyq bazasyn qurý úshin óte mańyzdy is-shara.
«Ana men bala ulttyq ǵylymı ortalyǵy» Astana qalasynyń aldyńǵy qatarly medısınalyq klaster obektileriniń biri bolyp tabylady jáne onyń stasıonarlyq pasıentterge arnalǵan 500 tósek-orny bar. Ortalyqta dıagnostıkalaýdyń jáne pasıentterdi emdeýdiń eń zamanaýı tehnologııalary qoldanylady. 2009 jyldan bastap «Ana men bala ulttyq ǵylymı ortalyǵyn» Germanııadaǵy Sharıte sııaqty belgili klınıkalardy, Venanyń medısınalyq ýnıversıtetiniń klınıkasyn, sondaı-aq Malaızııadaǵy, Abý-Dabıdegi jáne de basqa elderdegi aýrýhanalardy basqaratyn Vamed Avstrııa kompanııasy basqaryp otyr.
Basqosýda «Ulttyq medısınalyq holdıng» AQ basqarma tóraǵasy Eljan Birtanov, «Ana men bala ulttyq ǵylymı ortalyǵy» AQ basqarma tóraǵasy Lýkas Iаkýbes ortalyqtyń jetken jetistikteri týraly áńgimelep, qoıylǵan suraqtarǵa jaýap berdi.
Berik SADYR.