Birliktiń berekeli besigi

Birliktiń berekeli besigi

Beısenbi, 3 mamyr 2012 8:22

Elbasy Nursultan Nazarbaevtyń Qazaqstan halqy Assambleıasynyń HIH sessııasynda sóılegen sózi qazaq­stan­dyqtar tarapynan qyzý qoldaý taýyp otyr. Ult­aralyq birlik otan­das­tarymyzdyń basty baılyǵy ekeni belgili. Osy turǵydan kelgende, elimizdegi birlik úde­ris­terin kózdiń qara­shy­ǵyndaı saqtaý – ortaq paryzymyz.

 

Beısenbi, 3 mamyr 2012 8:22

Elbasy Nursultan Nazarbaevtyń Qazaqstan halqy Assambleıasynyń HIH sessııasynda sóılegen sózi qazaq­stan­dyqtar tarapynan qyzý qoldaý taýyp otyr. Ult­aralyq birlik otan­das­tarymyzdyń basty baılyǵy ekeni belgili. Osy turǵydan kelgende, elimizdegi birlik úde­ris­terin kózdiń qara­shy­ǵyndaı saqtaý – ortaq paryzymyz.

Gazet redaksııasyna Memleket basshysynyń QHA-nyń kezekti  ses­sııa­synda sóılegen sózine oraı eli­miz­diń túpkir-túpkirinen únqatýlar kelip túsýde. Tómende solardyń alǵashqylary jarııalanyp otyr.

 

Elbasynyń sózi – danalyqtyń kózi

Jýyrda ǵana el Prezıdenti Nursultan Nazarbaevtyń Qa­zaqstan halqy Assambleıasynyń XIX sessııasynda sóılegen só­zin, onyń ishinde jastar týraly oramdy oılary men paıymdy pikirlerin júregimizge, kóńi­li­miz­ge qondyra otyryp, qýa­nyshty túrde qabyldadyq. Qa­zaq­standy óz Otanym dep súıip, qaı salada bolsa da jemisti eń­bek etip, tuǵyrly memleke­timiz­diń mereıin ósire júrip jeńis­pen kórine bilgen jalyndy jastardyń asqar bıikteri men asqaq asýlarǵa jetýi Elba­sy­nyń arqasy dep bilemiz.

Bizdiń qurmetti Elbasy­myz­dyń júrgizip otyrǵan sarabdal saıasaty men jastar sanasyna salǵan sara jolyn «tili basqa, tilegi bir, júzi basqa júregi bir» árbir qazaqstandyqtyń tatý tirlikte, bereke birlikte ómir súrip jatqan 140-tan astam ult pen ulys ókilderi, sonyń ishinde jastar da joǵary baǵalaıdy.

«Eldiń erteńi – ónegeli, bilimdi urpaqtyń qolynda», dep jastarǵa zor senim men úkilegen úmit artyp, jastardyń zaman talabyna saı bilim alýyna, bilimine saı qyzmet etýi men eldiń azamaty atanýyna jaǵdaı jasap, talaı ter tógip kele jatqan Elbasynyń eseli eńbegin aıtyp jetkizý múmkin emes. Ásirese, eldegi jetekshi partııanyń «Jas Otan» jastar qanatyna artqan zor senimi men mol múm­kin­dik­teri týrasynda keshegi sózinde Nursultan Ábishuly shegelep aıtqan bolatyn. Bizdiń, jas­tar­dyń el úshin jasap jatqan qoǵamdyq-mádenı is-sharalaryn joǵary baǵalaǵany úshin Memleket basshysyna Mańǵystaý aýdandyq «Jas Otan» jastar qanaty músheleriniń atynan úlken alǵysymyzdy bildiremiz.

Biz bolashaqta da Elbasy artqan zor senimdi seıiltpeýge, úkilegen úmitin ortaıtpaýǵa, son­daı aq el erteńi úshin ja­sa­ǵan júıeli jumystaryn odan ári maqtanyshpen, abyroımen arqalap, kemeldi keleshektiń kir­pishin qalaýǵa óz úlesimizdi qosatyndyǵymyzdy aıtqymyz keledi.

Elbasynyń eseli eńbegi men qaltqysyz qyzmeti tatýlyǵy men birligi jarasqan qazaq­stan­dyqtardyń, kókiregi oıaý, kózi ashyq, júrekteri elim, jerim dep soqqan patrıot jastarynyń qazynaly júrekterinen oıyp turyp oryn alatynyna biz, Mańǵystaý jastary, senimdimiz!

Allabergen QONARBAEV, Mańǵystaý aýdandyq «Jas Otan» jastar qanatynyń  atqarýshy hatshysy.

Mańǵystaý oblysy.

 

Ortaq múdde úshin aıanbaıyq

Qazaqstandaǵy barlyq etnos ókilderi­niń múddesin qamtamasyz etetin birden-bir uıym – Qazaqstan halqy Assambleıasy. Elimizdegi ózge ult ókilderiniń kelisim men birlikte turmys keshýi, eń aldymen, qazaq halqynyń ata dástúri men tabıǵı keń­peıil­digi, ulttyq diliniń keńdigi arqasynda ekendigine daý joq. Halyqtyń kelisimin saq­tap qalý, qoǵamnyń barlyq kúsh-áleýe­tin bir maqsatqa jumyldyrýdy kózdegen Prezıdentimiz teńdesi joq uıym Qazaqstan halqy Assambleıasyn der kezinde qura bildi.

Qazirgi tańda Assambleıa etnosaralyq jáne konfessııaaralyq qaty­nas­tar salasyndaǵy memlekettik saıasatty júzege asyryp, elimizde tur­mys keship jatqan barlyq etnostardyń ózara teń quqyqty qaty­na­syn qamtamasyz etip otyr. On jeti jyldyń ishinde atalǵan qurylym qoǵamdaǵy turaqtylyqty saqtaýshy quralǵa aınalǵanyn ýaqyttyń ózi dáleldedi. Árbir qazaqstandyq azamat úshin urpaqtar sabaqtastyǵy arqyly tatýlyqty, senim men birlikti saqtaý óte mańyzdy.

1 mamyr – Qazaqstan halqynyń birligi kúni merekesi qarsańynda ótken Assambleıa sessııasynyń máni erekshe boldy. «Biz búgin turaqtylyq, birlik, jańarý uǵymdaryn basqosýdyń kún tártibine shyǵaryp otyrmyz. Turaqtylyq – bizdiń tatýlyǵymyz berik bolýy úshin taban tireıtin tuǵyrymyz. Birlik – baǵa jetpes basty baılyǵymyz. Jańǵyrtý – keler kúngi kemel keleshekke jeteleıtin jarqyn jolymyz. Osy úsh uǵym bizdiń myzǵymas memleketimizdiń tutastyǵyna tirek bolyp tabylady. Úndestigi mol úılesimdi shara, mereıli memleketimizdiń qasıetti qundylyǵy bolyp tabylady», degen Nursultan Nazarbaev qazaqstandyq tatýlyqtyń myzǵymastyǵyn qamtamasyz etý, etnosaralyq kelisimdi nyǵaıtý baǵytyndaǵy birqatar mańyzdy máselelerdi aıqyndap berdi.

Sessııada Assambleıanyń óńirlerdegi kúshin nyǵaıtý qajettigi syndy aýqymdy jańa mindetter men maqsattar qoıyldy. Qazaqstan – ortaq meken. Sondyqtan elimizdegi tatýlyqty, birlikti, yntymaqty saqtaý barshamyzdyń azamattyq boryshymyz dep bilemin. Sessııa jumysynan qanattanyp qaıttym. Elbasy mindettegen, aıqyndaǵan isterdi júzege asyrýda jumyla jumys istep, ortaq múdde úshin aıanbaıyq degim keledi.

Ábdimanap BEKTURǴANOV, I.Jansúgirov atyndaǵy JMÝ rektory, zań ǵylymdarynyń doktory, professor.

Almaty oblysy.

 

Ultaralyq yntymaqtyń uıytqysy

Aqtóbe óńirinde toqsannan astam ult bir atanyń balasyndaı tatý-tátti ómir súrýde. Ár jyldary taǵdyrdyń jazýymen osynda taban tiregen kóptegen ulttar tamyryn tereńge jaıyp, qazaq halqymen bite qaı­na­syp, birligin bekitip, dostyǵyn nyǵaıtty. Shyny kerek, Elbasy Nursultan Nazar­baev­tyń jeke bastamasymen dúnıege kelgen Qa­zaqstan halqy Assambleıasy ózin ultaralyq yntymaqtyń uıytqysy retinde áldeqashan dáleldep úlgerdi. Aqtóbe oblystyq Qazaqstan halqy Assambleıasy 1995 jyly qurylyp, etnostar arasyndaǵy tatýlyq pen turaqtylyqty, birlikti qalyptastyrýda eleýli ister tyndyryp keledi.

– Onyń quramy 150 adamnan turady. Olar­dyń qatarynda ulttar men ulystardyń ókilderi, sondaı-aq qala jáne aýdandar ákim­deri, oblystyq jáne aýdandyq más­lı­hat hatshylary, birqatar basqarmalar men departamentter basshylary, óńirdiń qur­met­ti jáne bedeldi adamdary bar. Assambleıa aımaqta ultaralyq qatynastardy, tu­raq­tylyqty jáne ózara kelisimdi qamta­masyz etý baǵytynda maqsatty jumystar júrgizip otyr, – dedi Aqtóbe oblystyq Qazaqstan halqy Assambleıasy hatshylyǵy meńgerýshisiniń mindetin atqarýshy Zámzágúl Bımaǵambetova.

Assambleıa qurylǵannan bergi 17 jyldaı ýaqytta etnomádenı birlestikter sany bas­tap­qydaǵy besten on segizge deıin ósti. Mun­daı birlestikterdi qurýǵa ózge ult ókil­deriniń ózindik mádenıetin, salt-dástúr­lerin saqtaı otyryp, nátıjesinde jalpy qazaqstandyq mádenıetti qalyptastyrýǵa úles qosýǵa degen ynta-yqylas negiz bolýda. Assambleıa qyzmetiniń basym baǵyttary, Elbasy N.Nazarbaev QHA sessııasynda sóılegen sózinde atap kórsetkenindeı,  ultaralyq birlikti, beıbitshilik pen kelisimdi nyǵaıtý, elimizdi mekendegen etnostar­dyń tilin, mádenı muralaryn damytý bolyp tabylady.

– Qazaqstan halqy Assambleıasy oblys­tyq hatshylyǵy, «Dostyq» úıi jáne etnomádenı birlestikterdiń kúsh biriktirýimen halyqtyq merekeler men ataýly kún­derge arnalǵan saltanattar keń kólemde uıym­dastyrylyp, ortaq maqsatta ótkizilýde. Qazaqstan halqynyń birligi kúni, Konstıtýsııa kúni, Jeńis kúni, Rýhanı kelisim jáne «Naýryz», «Sabantoı», «Oraza aıt», «Maslenısa» sııaqty basqa da merekeler barsha halyq qatysatyn mádenı-rýhanı sharalar retinde atap ótiledi. Mundaı merekeler etnostardy bir-birine jaqyndata túsedi, ózara baılanystaryn nyǵaıtady, – dedi Z.Bımaǵambetova.

Buǵan oblystaǵy on segiz etnomádenı birlestiktiń «Dostyq» úıinde bir shańy­raq­tyń astynda bolýy da ıgi yqpal etýde. Keń de jaryq ári eńseli «Dostyq» úıinen olar­dyń árqaısysyna qajetti qondyrǵylarmen jaraqtandyrylǵan keńse bólingen. Munda 300 oryndyq konsert, horeografııa jáne daıyndyq zaldary, oqý synyptary, lın­gafon­dyq bólme, májilis zaly, murajaı jáne kafe bar. Dybys jazatyn jáne beıne stýdııa qaralǵan. Assambleıa janynan aq­saqaldar keńesi qurylǵan, olarǵa barlyq etno­mádenı birlestikterdiń ókilderi qaty­sa­dy. Onyń tóraǵasy – uzaq jyldar oblys­tyq gazettiń redaktory bolǵan ardager jýrnalıst Nurqaıyr Teleýov. Aqsaqaldar keńesiniń basty maqsaty – jastardy pat­rıottyq sezimge tárbıeleý, ulttyq salt-dás­túrlerdi qaıta jańǵyrtýǵa uıytqy bolý. Barlyq etnomádenı birlestikterdiń kórkem­ónerpazdar ansamblderi bar. Bes jastar klýby, on jeksenbilik mektep jumys isteıdi.

– Biz biryńǵaı mádenı-kópshilik sharalarmen shektelip qalmaımyz. Etnomádenı bir­lestikter kóshbasshylarynyń oı-pikirin bilý maqsatynda ishki saıası máseleler jáne olardy sheshý joldaryn anyqtaıtyn usy­nys­tardy ortaq talqylaý úshin ǵylymı-tá­ji­rıbelik konferensııalar, dóńgelek ústel­der ótkizip turamyz, – dedi Z.Bımaǵambetova.

Etnomádenı birlestikter ókilderi jo­ǵary jáne orta arnaýly oqý oryndarynyń, mektepterdiń ujymdarymen kezdesip, jastar arasynda ultaralyq kelisimdi nyǵaıtý­ǵa atsalysýda. Munda jyl saıyn dástúrli ótkiziletin «Sabantoı» merekesiniń aýqymy keńeıip, mańyzy arta túsýde. Mysaly, byltyrǵy jyly uıymdastyrylǵan «Sabantoı» merekesine Astanadan, Oraldan, Aty­raýdan, Aqtaýdan, Tatarstan men Bashqurt­stannan ókilder keldi. Bul halyqtar ara­syndaǵy dostyqta shekara joq ekeniniń bir dáleli bolsa kerek. Osylaı barys-kelis kóbeı­gen saıyn ulttar birin-biri buryn­ǵy­dan da tereńirek tanyp, tatýlyqtyń tuń­ǵıyq tylsymyna qanyǵa túsedi. Sondyqtan da ultaralyq yntymaqtyń uıytqysy bo­lyp otyrǵan Qazaqstan halqy Assambleıasy oblystyq hatshylyǵy elimizdi mekendegen ózge ulttarmen baılanysty damytýǵa, ult­ara­lyq jáne konfessııaaralyq kelisimniń qazaqstandyq ustanymyn shet elderge nas­ı­hattaýǵa udaıy atsalysyp keledi. Bir sóz­ben aıtqanda, Aqtóbe oblystyq Qazaqstan halqy Assambleıasy qoǵamdaǵy beıbitshilik pen tatýlyqty, ózara kelisim men qoǵamdyq turaqtylyqty nyǵaıtý baǵytynda júıeli de jemisti jumys júrgizýde. Bul baǵyttaǵy jumystar aýqymy 1 Mamyr – Qazaqstan halqy birligi kúnine jáne Qazaqstan halqy Assambleıasynyń 19-sessııasyna oraı burynǵydan góri keń aýqymda júrgizilip, jańasha sıpat aldy. Osynyń barlyǵy ortaq Otanymyz – Qazaqstanda qalyptasqan beıbitshilik pen birliktiń, tatýlyq pen turaqtylyqtyń arqasy ekenin árbir qazaqstandyq jete sezinedi jáne osy baǵyttan áste de aınymaıdy. Buǵan osy baǵytta atqarylǵan jáne bolashaqqa belgilengen jumystar kepildik beredi.

 Satybaldy SÁÝIRBAI,

 Aqtóbe oblysy.