Salyq raqymshylyǵynyń nátıjesinde 968 salyq tóleýshiniń 20,4 mln. teńge somasynda ósimpuly esepten shyǵaryldy. Bul týraly Memlekettik kirister komıtetiniń baspasóz qyzmeti habarlady.
2019 jyldyń 15 aqpanyna deıin 29 278 salyq tóleýshi bıýdjetke jalpy somasy 6 mıllıard teńge quraıtyn qaryzyn tólegen. Olardyń 1,1 mıllıard ósimpuly men 200 mıllıon teńge aıyppuly esepten shyǵarylmaq.
Al qazirgi tańda 968 salyq tóleýshiniń 20,4 mıllıon teńge somasyndaǵy ósimpuly esepten shyǵaryldy.
2019 jyldyń 1 qańtarynan bastap shaǵyn jáne orta bıznes sýbektileri úshin salyqtyq raqymshylyqty júrgizýdi qarastyratyn Zań kúshine endi. Al 8 aqpanynan bastap qaryzdy tólegen jaǵdaıda ósimpul men aıyppul somasyn esepten shyǵarylady.
Memlekettik kirister komıtetiniń derekterine súıensek, 90 077 shaǵyn jáne orta bıznes ókilderiniń 340,6 mıllıard teńge salyq bereshegi bar. Solardyń bárine rahymshylyq jasaý qarastyrylǵan.
Aıta keterligi ósimpuldar men aıyppuldar salyq tóleýshiniń ótinishinsiz esepten shyǵarylady. Ońaltý rásimindegi jáne salyqtar boıynsha tóleý merzimin uzartqan salyq tóleýshilerge qatysty rahymshylyq qoldanýdyń tártibi bólek.