16 aqpan kúni Shymkenttegi Abaı aýdanyna qarasty Qursaı shaǵynaýdanyndaǵy órt oqıǵasynan aman qalǵan otbasyǵa qalalyq Polısııa departamenti Abaı aýdandyq polısııa basqarmasynyń ıývenaldyq polısııa bólimshesiniń ujymy qaıyrymdylyq jasady. IýPB kyzmetkerleri órtengen úıdiń kámeletke tolmaǵan úsh balasyna kómek retinde azyq-túlik jáne kórpe jastyq alyp kelip tapsyrdy.
Dál osy kúni 13 jastaǵy jetkinshek tútinge tunshyǵyp úıde qalyp ketken eki balany qutqaryp qalǵan bolatyn. Tilsiz jaýdyń qorshaýynda qalǵan qos balaqaıdyń ómirin saqtap qalǵan Baqytjan Berkinbaıdy tótenshelikter maqtap, marapattaǵan edi.
60 sharshy metr aýmaqty sharpyǵan órtti tótetnshelikter 1 saǵattan astam ýaqyt ishinde sóndirgen. Alaıda, úı ishindegi dúnıe-múlk túgeldeı órtke ketken.
Al, ata-analary jumysta bolyp, jasóspirimderdi úıde qaraýsyz qaldyrǵan. Urpaqtaryn aıtyp kelmegen apattan aman alyp qalǵan batyr bala Baqytjan men qystyń kózi qyraýda áleýmettik kómek kórsetken polıseılerge otaǵasy alǵystan basqa aıtarymyz joq dep otyr.
Aldaǵy ýaqytta jergilikti aýdan ákimdigi tótenshe jaǵdaı kezinde shyǵynǵa ushyraǵan otbasyǵa tıisti kómek kórsetiledigin jetkizdi.
Nurshat TО́KEN,
«Egemen Qazaqstan»
Shymkent